عارف محمد صلاح The Egyptian King بياكل بكام في اليوم!

هو الأكل الصحي غالي؟ طيب صعب إن الواحد يعمل جسم زي جسم محمد صلاح، لاعب فريق ليفربول الإنجليزي، واللي قدر يطور من نفسه جامد جدًا طول مشواره الاحترافي؟

الإعلامي عمرو أديب استضاف مو صلاح في برنامج "الحكاية"، واتكلم صلاح عن نظامه الغذائي اللي بيخليه محافظ على لياقته البدنية ونسبة العضلات في جسمه.
 

صلاح بياكل كام مرة في اليوم؟

محمد صلاح قال إنه بياكل من 5-6 وجبات صحية يوميًا بكميات محددة علشان يظبط السعرات الغذائية بتاعته، والوجبات دي مفيهاش دهون غير صحية.

بالنسبة لوجبة الفطار فـ صلاح بياكلها على مرحلتين الأولى عصير فراولة مع حليب خالي الدسم، وبعدها بساعة بياكل بياض البيض مع الأفوكادو وخبز خال من الجلوتين.

أكل محمد صلاح على الغدا:

البروتينات هي العنصر الأساسي في طبق وجبة الغداء الخاصة بالملك المصري مو صلاح، سواء دجاج أو أسماك، بعدها بساعتين بياكل الزبادى والفواكة.

وطبعًا النظام الغذائي اللي ماشي عليه صلاح مناسب لطبيعة حياته وشغله كلاعب كرة قدم محترف ومحسوب بدقة كبيرة، وهنقولك الأكل دا بيكلفه كام تقريبًا في اليوم.

سعر فطار محمد صلاح

·       مشروب بلوبيري "توت أزرق": زجاجة العصير في الأسواق بيكون سعرها بين 20 و 30 جنيه.

·       لتر الحليب من 15 لـ 20 جنيه.

·       وبالنسبة للبيض فسعره من 40 لـ 45 جنيه للطبق "30 بيضة" بالنسبة للأبيض والأحمر لكن البلدي بيكون أغلى شوية بيوصل الطبق لـ 55 جنيه.

اعرف أكتر ازاى توفر فى أكلك من هنا، 5 طرق للتوفير في الأكل بمناسبة الـ world food day

سعر أكل الغداء

·       زي ما قال الفرعون المصري إن لازم يكون في الوجبة دي بروتين سواء فراخ او سمك مشوي + الخضار.

·       كيلو الفراخ البيضا سعره تقريبًا 25 جنيه.

·       كيلو الفراخ البلدي: 35 جنيهًا.

·       السمك البلطي اسعاره بتكون حوالي 23 جنيه.

·       البوري من 32 إلى 50 جنيهًا، وطبعًا كل نوع سمك وله سعره.

·       أما بالنسبة لأسعار الخضار فدي بتختلف حسب النوع.
 

سعر وجبة عشاء صلاح

·       زبادي صافي مع خضار وفاكهة.

·       سعر علبة الزبادي الصغيره 5 جنيه.

·       الخضار والفاكهة السعر بيختلف حسب الكمية.