فوانيس رمضان 2022: تجيبها منين وبكام؟

تجيب فانوس رمضان 2022 منين؟ هنقولك على أشهر الأماكن اللي هتلاقي فيها أشكال وأحجام وألوان مختلفة، وكمان هنقولك على شوية أسعار لفوانيس السنة دي.

هتتفرج على مسلسلات ايه في رمضان؟ اعرف أكتر من هنا: اعرف قايمة مسلسلات رمضان 2022 وأبطالها

السيدة زينب

• موجود هناك شوادر كتير فيها كل مستلزمات رمضان.
• هتلاقي في السيدة زينب فوانيس رمضان 2022 من المعدن والخشب والصيني والقماش كمان.
• برضو موجود هناك فوانيس رمضان مستورد من الصين وفي فوانيس صناعة محلية معمولة في مصر.

رامز جلال السنة دي هيعمل برنامج مقالب؟ اعرف أكتر من هنا: رامز جلال هيعمل برنامج مقالب في رمضان 2022؟

حارة اليهود

• من الأسواق التجارية الكبيرة وموجودة في منطقة العتبة.
• هتلاقي فيها اكسسوارات كتير جدًا معمولة بالإيد زي شرايط النحاس والأسلاك.
• هتلاقي في حارة اليهود فوانيس رمضان 2022.
• كل الفوانيس اللي بتفكر فيها هتلاقيها باختلاف الأشكال والأحجام.

شارع الخيامية

• موجود في منطقة الأزهر – امتداد شارع المعز.
• هتلاقي في شارع الخيامية ورش كتير متخصصة في صناعة الخيم.
• وكمان هتلاقي فوانيس رمضان بكل الأشكال والأحجام.
• كمان لو بتدور على فوانيس رمضان 2022 متغطية بالقماش والقطيفة هتلاقي هناك.

تحت الربع

• من المناطق الأثرية اللي فيها عدد كبير من الآثار الإسلامية.
• من أهم شوارع الدرب الأحمر في القاهرة القديمة ومتفرع من شارع بورسعيد.
• هتلاقي هناك عدد من الورش لصناعة الفوانبيس بكل أحجامها وأشكالها.
• في فوانيس رمضان من الزجاج الملون والصاج وكل خامات الخشب.

كرتونة رمضان 2022 في الهايبر ماركت؟ اعرف أكتر من هنا:  اعرف عروض كرتونة رمضان 2022 في الهايبر ماركت

حارة المزين

• عارف منطقة الموسكي في القاهرة؟ هتلاقي هناك حارة المزين قدام محل النمرسي.
• هتلاقي في الحارة دي محلات كتير لبيع فوانيس رمضان  2022 من خامات مختلفة منها الخشب والنحاس والزجاج.

اعرف أسعار فوانيس رمضان 2022 على جوميا من هنا

بعض أسعار فوانيس رمضان 2022

​​​​​​​

• أميرة: 66 جنيه.
• بطوط: 75 جنيه.
• على شكل روبوت: 65 جنيه.
• فانوس بلاستيك: 35 جنيه.
• فانوس بوجي: 200 جنيه.
• فانوس خرز من 50 جنيه إلى 400 جنيه.
• فانوس خشب صغير: 15 جنيه.
• فانوس خشب كبير: 150 جنيه.
• فانوس خشب مقصوص: 175 جنيه.
• فانوس خشب ميدالية: 5 جنيه.
• فانوس خيامة مصنوع من قماش صغير: 25 جنيه.
• فانوس خيامة مصنوع من قماش كبير: 150 جنيه
• فانوس رمضان مستورد صغير: 100 جنيه.
• فانوس طمطم: 200 جنيه.
• فانوس على شكل بكار: 60 جنيه.
• القطة: 85 جنيه.

طبعًا في أسعار كتير جدًا وأشكال وأحجام مختلفة من فوانيس رمضان، واللي قولنهولك دا بعض الأسعار وكمان أهم الأماكن اللي هتلاقي فيها عرض كبير تقدر تختار اللي تحبه.