كل اللي عاوز تعرفه عن فيلم The Batmanالجديد

أول أما بتيجي سيرة باتمان batman بنفتكر علطول الفيلم الأسطوري The Dark Knight Rises، واللي اتعرض في 2012، يعني من 10 سنين، وعشاق الفيلم دا هيكونوا على ميعاد مع المتعة لما الجزء التاني يتعرض قريب جدًا.

اسم الفيلم الجديد "الباتمان The Batman" إخراج مات ريفز وشارك في كتابته كمان، واللي هيعمل شخصية باتمان المرة دي روبرت باتسون، المليونير بروس وين، اللي بيتحول لحارس ليلي يطارد الأشرار علشان ينتقم لمقتل والديه على ايد حد فيهم.

الإعلان الرسمي لفيلم الباتمان من هنا

مين هو باتنسون؟

باتنسون اللي هيعمل شخصية باتمان في الفيلم الجديد اشتهر من خلال سلسلة أفلام Twilight  وحقق شعبية كبيرة جدًا لكنه بعد لسنين عن الأفلام التجارية الضخمة. 

فيلم The Batman اتكلف كام وموعد عرضه في مصر؟

الفيلم اتكلف 100 مليون دولار، وهيتعرض في السينمات المصرية على يوم 4 مارس 2022.

الجوكر مش هيكون من أبطال الفيلم

أشرار الفيلم

هيكون موجود في فيلم The Batman أشرار لكن الجوكر مش من بينهم، وهنقولك على أشهر الأشرار في الفيلم:

• "بنجوين" / البطريق: اللي هيجسد الشخصية النجم كولين فاريل في دور بينجوين أو البطريق، وهيكون في مكياج كتير في الشخصية.
• صانع الأحاجي  The Riddle: ويؤديه بول دانو، وهو قاتل متسلسل يستهدف ممثلي القانون في مدينة جوثام، علشان ينتقم منهم.
• رجل العصابات: كارمين فالكون ويؤديه النجم جون تورتورو.
• جيل جولسون: شرير جديد في الفيلم، وهو محامي وسياسي فاسد بعدة أوجه، ويؤديها النجم بيتر سارسجارد.

بمناسبة كلامنا عن الأفلام الجديدة اللي نازلة قريب اعرف أكتر من هنا: 6 أعمال لازم تشوفها قبل ما تتفرج على DOCTOR STRANGE  2؟

أشهر الشخصيات الطيبة في الفيلم

• ضابط الشرطة: "جوردون" ويؤديه جيفري رايت.
• خادم بروس وين الأمين ومعلمه ومساعده: "ألفريد بينورث"، ويؤدي دوره آندي سيركس.

أبرز شخصية في فيلم The Batman الجديد

"كاتومان" أو المرأة القطة واللي هتلعب الدور دا "زوي كرافيتز"، وهو الدور اللي لعبته بصوتها فقط في أفلام ليجو باتمان، وهي هنا نادلة في محل مشروبات تدعى سيلينا، وعندها مشاكل مع الماضي. 

وعلى وشك إنها تتحول للمرأة القطة ولكنها لا تعرف بعد إمكانياتها، تدخل في علاقة مركبة مع باتمان، ينجذب كل منهما للآخر، ولكن علاقتهما هيكون فيها شك وحذر.

معلومات عن فيلم باتمان الجديد

• مدته تقريبًا:  176 دقيقة يعني حوالي 3 ساعات.
• أطول فيلم لباتمان عمومًا.
• ثالث أطول فيلم للأبطال الخارقين بعد فيلمي Zack Snyder's Justice League و ِAvengers: Endgame.

قصة فيلم The Batman الجديد

تدور أحداث فيلم باتمان الجديد 2022 حول بروس وين المعروف بالرجل الوطواط، والسنة التانية ليه كفارس الظلام وحامي مدينة جوثام، وهيكون في مواجهة بينجوين وريدلر، وكتير من أشرار جوثام المشهورين.