لأول مرة من 10 سنين: ليه نتفليكس سرحت 150 موظف؟

ايه اللي خلى شركة نتفليكس تسرح 150 موظف مرة واحدة كدا لأول مرة من 10 سنين؟ والقرار دا جه بعد شهر واحد من إعلانها خسارة مشتركيها لأول مرة من 10 سنين.

الـ 150 موظف دول اللي تم تسريحهم بيمثلوا حوالي نسبة 2% من عمال شركة نتفليكس في أمريكا الشمالية، والقرار دا هيأثر على مكتب الشركة في الولايات المتحدة الأمريكية.

اعرف العروض الحالية لشبكة نتفليكس والمنافسين كمان من هنا: عروض اشتراكات شاهد  وWATCH IT ونتفليكس في رمضان 2022

بيان شركة نتفليكس

شركة نتفليكس أصدرت بيان قالت فيه الأسباب اللي خليتها تسرح 150 موظف مرة واحدة:

• السبب وراء تخفيض الوظائف تراجع إيرادات الشركة السنة دي 2022.
• السبب الرئيسي احتياجات العمل مش الأداء الفردي للموظفين دول.
• الزملاء اللي تم تسريحهم مميزين لكن احتياجات السوق هي اللي فرضت علينا كدا.

الأقسام اللي تم تسريح الموظفين منها

شركة نتفليكس ماكشفتش في بيانها عن الأقسام اللي قللت فيها الوظايف لكن صحيفة "لوس أنجلوس " قالت تفاصيل عن الأقسام اللي تم تسريح الموظفين منها:

• أقسام التوظيف والاتصالات.
• قسم المحتوى.
• عدد من المناصب العليا.

كام عدد الموظفين في شركة نتفليكس؟

عدد الموظفين في شركة نتفليكس حسب التقارير اللي أعلنها أكتر من موقع إلكتروني بيوصلوا لـ 11000 موظف منهم 7500 تقريبًا في أمريكا الشمالية.

نتفليكس خسرت قد ايه الفترة الأخيرة؟

• 200 ألف مشترك في الشهور الثلاثة الأولى من عام 2022.
• قيمة الشركة قلت إلى 60 مليار دولار بعدما لجأ المستثمرين إلى عمليات بيع واسعة النطاق.
• انخفاض سهم الشركة بنسبة 35% في يوم واحد.
• 700 ألف مشترك ألغوا اشتراك نتفليكس.

ومن الأسباب الرئيسية الحرب في أوكرانيا وقرار رفع أسعارها في الولايات المتحدة، والانسحاب من السوق الروسية.

أداء نتفليكس للأسوأ!

من الحاجات اللي لاحظها المشتركين كمان لشبكة نتفليكس إنها في شهر مايو الحالي ألغت نتفليكس الأجزاء الجديدة من سلسلة الرسوم المتحركة بيرل التي ابتكرتها ميجان ميركل.

الشركة بتفكر في ايه حاليًا؟

شركة نتفليكس بتفكر حاليًا إنها تضيف اشتراك منخفض السعر ومدعوم بالإعلانات.

إجراءات صارمة للمشتركين!

كمان شركة نتفليكس قررت تاخد إجراءات صارمة علشان تواجه مشاركة كلمات السر بين أفراد الأسر اللي كلفتها 100 مليون اشتراك منزلي.