لو معكش تجيب هدية لماما في عيد الأم: الحاجة دي ببلاش!

عيد الأم خلاص قرب وأنت بتفكر تجيب لماما ايه بس الميزانية معاك مش أحسن حاجة علشان في اخر الشهر؟ طيب ايه أفصل حل ممكن تعمله علشان ماتعديش مناسبة زي كدا بدون حاجة مميزة.

إنما بقى لو بتفكر تجيب هدية لست الحبايب حسب ميزانيتك هنقولك على اقتراحات كتير من هنا: هدايا عيد الأم حسب ميزانيتك: مش منها طقم الكوبايات

1- الهدية مش مهم تكون غالية

لو مكسوف تجيب لماما هدية عيد الأم بس تكون هدية بسيطة مش غالية فخلينا نقولك إن الهدية مش بسعرها خالص الفكرة إنك تقدمها بشكل حلو وتقول كلام جميل تشكرها على كل حاجة عملتها علشانك وإنك مقدر دا الموضوع هيفرق جدًا سواء ورد أو شوكولاتة أو أي حاجة بسيطة.

2- ادي جزء من وقتك لماما

علشان عيد الأم يكون يوم مميز حاول تقعد مع ماما وتروحلها مخصوص مش بس تكلمها على التليفون سواء اتجوزت أو لسه فكرة إنك تروحلها دا بيفرق معاها جدًا وتشكرها على كل حاجة، ومش هيفرق كتير الهدية على قد ما كلام الحب اللي هتقولهالك هيكون مميز جدًا ليها وهتحس بيه ومش هتنساه.

دا معناه إنك مهت بيها ولسه فاكرها وهيفرق جدًا مع ماما.

3- جمع اخواتك

اعملها مفاجأة قول لبابا واخواتك وجمعهم واقعدوا معاها اليوم دا واشكروها على كل حاجة عملتها علشانكم وافتكروا كل الذكريات الجميلة مابينكم دا أحلى من ألف هدية ممكن تقدمها واضحكوا وهزروا وفرحوها.

4- شغلها الأغنية دي

بص أغاني عيد الأم مافيش أكتر منها بس في حالة إنك مش هتقدم هدية ممكن تعمل حاجة لطيفة وتشغلها الأغنية دي اسمها "ما عييش أجيب هدية يا ماما"، وتقدر تسمعها من هنا

كلمات الأغنية دي بتقول:

ماعييش أجيب هدية يا ماما إن شالله أعدم عينيا يا ماما..

العين بصيرة والايد قصيرة طب ما تقولي أجيب منين..

ما تراعي ظروفي زودي مصروفي تاخدي عنيا الاتنين يا ماما..

ثم هدية ايه وأنا جنبك قاعد كدا أسليكي..

اهدي شوية تعالي في حضني علشان ربنا يهديكي..

ماما والله أنا نفسي أجيب الدنيا دي ملك ايديكي.. 

ماما والله ما تخفي عليا الله يخليكي.. 

عاوزة هدية أكتر من ابنك قاعد حواليكي..

حسستيني بذنب يا ماما اعملك ايه يرضيكي.. 

ماما والله معايا يكمل خدي كل اللي في جيبي..