ليفربول ممكن يخطف لقب البريميرليج من مان سيتي؟

جولات قليلة على نهاية الموسم الحالي من الدوري الإنجليزي، وصراع مشتعل بين الريدز فريق ليفربول والأزرق السماوي فريق مانشيستر سيتي على صدارة جدول ترتيب البريميرليج.

بلغة الأرقام والتوقعات، مانشيستر سيتي على بعد خطوات بسيطة من تحقيق لقب الدوري الإنجليزي تحت قيادة مدربه الإسباني المخضرم بيب جوارديولا لكن خلينا نقولك ايه السيناريو اللي ممكن يحصل ويقلب الموازين لصالح فريق ليفربول.

صفقة مانشستر سيتي المنتظرة خلال الأيام الجاية اعرفها من هنا: تفاصيل تعاقد هالاند مع مان سيتي: قيمة الصفقة وراتب اللاعب

ليفربول خسر نقطتين مهمين

فريق ليفربول بقيادة الفرعون المصري محمد صلاح، خسر نقطتين مهمين جدًا في صراع الدوري الإنجليزي قدام منافسه مانشسيتر سيتي، بعد ما تعادل الريدز مع توتنهام العنيد بهدف مقابل هدف في الجولة الـ 36.

وبكدا يكون ليفربول رصيده وصل للنقطة 83 محتل المركز التاني بفارق 3 نقاط كاملة عن مانشتسر سيتي، والفريقين لعبوا 35 مباراة وناقص لكل فريق منهم 3 مباريات بس من انتهاء المسابقة "جولتين + مباراة مؤجلة لكل فريق من الجولة الـ 33"، ويُعتبر الأزرق السماوي هو الأقرب لحصد لقب البريميرليج.

ليفربول يعمل ايه علشان يفوز بالدوري الإنجليزي

ليفربول بقيادة محمد صلاح محتاج يفوز بالـ 3 مباريات الجاية وكمان لازم مانشيستر سيتي يخسر مباراة أو يحصله تعثر في ماتش من الـ 3 علشان الريدز يحققوا لقب الدوري الإنجليزي.

وفي حالة لو المان سيتي خسر ماتش من الـ 3 مع فوز الليفر في الـ 3 مباريات يتوج فريق محمد صلاح باللقب بفارق الأهداف .

اخبار محمد صلاح: محمد صلاح/Egyptian King بيستثمر فلوسه في ايه 2022؟

المباريات المتبقية للفريقين

بالنسبة لفريق ليفربول متبقي له 3 مباريات: 

• استون فيلا "10 مايو" المباراة هتتلعب النهاردة على ملعب فيلا بارك "مباراة مؤجلة من الجولة 33".
• ليفربول أمام ساوثهامبتون "15 مايو" في سانت ماري خارج الديار.
• ليفربول أمام وولفرهامبتون "22 مايو" في الأنفيلد.

أما بالنسبة لفريق مانشيستر سيتي متبقي له 3 مبارات: 

• مباراة النهاردة 11 مايو قدام وولفرهامبتون على ملعب مولينيو "مباراة مؤجلة من الجولة الـ 33".
• مباراة قدام وست هام "15 مايو" في ستاد لندن.
• مانشيستر سيتي أمام استون فيلا "22 مايو" في ملعب الاتحاد.