ليه أغاني عمرو دياب اتحذفت من يوتيوب؟

جمهور الهضبة عمرو دياب اتفاجئ في الساعات اللي فاتت إن كل أغانيه على قناته الرسمية على يوتيوب اتحذفت، ما عدا بعض فيديوهاته في حفلاته الأخيرة، وكلام كتير اتقال على أسباب اللي حصل دا.

وبمناسبة كلامنا عن عمرو دياب، الهضبة له حفلة النهاردة الخميس 24 فبراير في المملكة العربية السعودية هنقولك تفاصيل أكتر عنها، لكن ايه هي الأسباب الحقيقية ورا حذف أغاني الهضبة من يوتيوب؟

ايه هي اخر أعمال عمرو دياب؟

أغنية "خلي الحجر ينطق"، وهي من كلمات أيمن بهجت قمر، وألحان محمد يحيى، وتوزيع توما، ومن إنتاج شركة ناي.

عمرو دياب هيوقع شراكة مع أنغامي

أسباب حذف أغاني عمرو دياب من يويتوب

الهضبة عمرو دياب، قال إنه هيوقع شراكة حصرية مع أنغامي، منصة البث الموسيقي والترفيه الرائدة في الشرق الأوسط وشمال أفريقيا.

ووضح دياب إن مجموعة أغانيه من إنتاج شركته "ناي فور ميديا" وجميع إصداراته الجاية من الأغاني والفيديو هيتم توفيرها فقط وحصريًا من خلال أنغامي، وهتكون متاحة بشكل مجاني لأكتر من 75 مليون مستخدم على المنصة.

قبل نهاية شهر فبراير اعرف أكتر عن الحفلات والعروض الفنية من هنا: حفلات وعروض فنية في فبراير 2022 وأسعار التذاكر

متحمس للمشروع الجديد

أعلن عمرو دياب إنه سعيد بالمشروع الجديد اللي هيساهم في تعزيز علاقته بجمهوره وهيوصل لمستعمين أكتر وجداد في العالم، واختيار أنغامي باعتبارها منصة عالمية.

حفلة عمرو دياب في السعودية

أسعار تذاكر عمرو دياب في السعودية

• الفئة الأولى بمبلغ 3000 ريال سعودي. "حوالي 12 ألف و500 جنيه مصري"
• الفئة الثانية بمبلغ 1725 ريالًا سعوديًا. "حوالي 7 آلاف و200 جنيه مصري"
• الفئة الثالثة بمبلغ 575 ريالًا سعوديًا. "حوالي 2400 جنيه مصري"
• الفئة الرابعة بمبلغ 300 ريال سعودي. "حوالي 1250 جنيه مصري"
• الفئة الخامسة والأخيرة بمبلغ 300 ريال سعودي.

ازاي تحضر حفلات من غير ما تبوظ ميزانيتك؟ اعرف أكتر من هنا: 6 طرق تحضر بيها الحفلات من غير ما تبوظ ميزانيتك الشهرية!

الأغاني اللي هيقدمها الهضبة في السعودية

عمرو دياب هيقدم، خلال الحفلة، عدد من أشهر أغانيه المميزة سواء القديمة أو الجديدة ومنها: 

"أنت الحظ، وخلي الحجر ينطق، وكتر من قربك، ويا أنا يا لأ، وببتدي من الزيرو، ورايقة، وتملي معاك، ووحشتيني، وبرج الحوت، وزي ما أنتي، وفاكر لما، وغيرها من الأغاني".