ليه تذكرة حديقة الحيوان بقت بـ 65 جنيه؟

حديقة الحيوان في الجيزة من أكتر الخروجات الممتعة لينا كلنا، ومين فينا مارحش حديقة الحيوان وهو صغير وممكن كمان وهو كبير؟ بتكون خروجة حلوة ولطيفة جدًا، ويا ترى تذكرة حديقة الحيوان بكام دلوقتي دا اللي هتعرفه؟

الأيام الأخيرة ناس كتير كانت بتتداول معلومات على السوشيال ميديا إن تذكرة حديقة الحيوان بقت بـ 65 جنيه طول أيام الأسبوع لكن اعرف ايه الصح ومعلومات تانية هتساعدك تفهم أكتر.

سعر تذكرة حديقة الحيوان 2022

حديقة حيوان الجيزة، أعلنت رسميًا إن سعر تذكرة الدخول يوم التلات بس بـ 65 جنيهًا للفرد، ودا قرار من مدة مش لسه جديد، بالظبط من ساعة ما تم إلغاء الإجازة الأسبوعية للحديقة.

يوم التلات مسموح الدخول من باب الإدارة بس، وسعر تذكرة الدخول 65 جنيه لكن باقي أيام الأسبوع سعر التذكرة بـ 5 جنيه للفرد بس والدخول من كل الأبواب، وتذكرة كاملة للطفل من عمر 5 سنوات.

متاحف القاهرة والجيزة أسعار التذاكر بتاعتها بكام اعرف أكتر من هنا: أسعار تذاكر ومواعيد أشهر 10 متاحف في القاهرة والجيزة

 حيوانات جديدة في حديقة الحيوان

لو متعرفش خلينا نقولك إن حديقة الحيوان في الجيزة طورت من نفسها الفترة الأخيرة وبتسعى لزيادة أعداد الحيوانات وبالفعل بدأت التجديدات ولسه مستمرة وفي خطة تطوير للحديقة بالفعل.

مسموح للأفواج السياحية زيارة الحديقة يوم التلات من خلال الحجز المسبق

ليه اجازة حديقة الحيوان كانت يوم التلات؟

الإجازة الاسبوعية لحديقة حيوان الجيزة كانت يوم التلات علشان مباشرة أعمال الصيانة الدورية، لكن من وقت ما اتلغى يوم الاجازة بقت تذكرة الدخول يوم التلات بس بـ 65 جنيه. 

المختلف إن يوم التلات مسموح للأفواج السياحية زيارة الحديقة من خلال الحجز المسبق.

اعرف سعر تذكرة أبرز الحدائق 

• حديقة الحيوان: 5 جنيه طوال أيام الأسبوع ما عدا يوم الثلاثاء بـ 65 جنيه.
• حديقة الأورمان: 2 جنيه طوال، و20 جنيه للسيارة بما فيها من أفراد.
• حديقة الأسماك: 5 جنيه للفرد.
• حديقة الأزهر: سعر تذكرة الدخول 20 جنيه طوال أيام الأسبوع ما عدا الجمعة والسبت والإجازات الرسمية بـ25 جنيه.
• فاميلي بارك: سعر تذكرة الدخول 60 جنيه طوال أيام الأسبوع، ما عدا يومي الجمعة والسبت بـ70 جنيه.
• الحديقة الدولية: سعر التذكرة 10 جنيه للفرد.
• حديقة الفسطاط: رسوم الدخول بين 3 إلى 5 جنيه للفرد.
• الميريلاند: تذكرة الدخول من الأحد إلى الخميس 20 جنيه و30 جنيه يومي الجمعة والسبت.

اعرف أكتر عن الحفلات والعروض الفنية في فبراير من هنا: حفلات وعروض فنية في فبراير 2022 وأسعار التذاكر