مع أبلكيشن vezeeta الحركة بركة: كل خطوة بتمن

أبلكيشن فيزيتا vezeeta، للخدمات الطبية المختلفة بطريقة ذكية، واللي بتقدر من خلاله تقارن وتختار وتحجز وتتابع مواعيدك بكل سهولة، قيّم زيارتك للدكتور، واطلب أدويتك دلوقتي من خلاله.

فيزيتا عمل تحدي جديد مفيدة لحركة جسمك ورفع شعار الحركة بركة وكل خطوة هتمشيها بفلوس، فايدتي هتقولك على تحدي فيزيتا vezeeta الجديد واللي هيساعدك تحسن صحتك وكمان تكسب فلوس.

فايدتي عملتلك أبلكيشن بنكي وتأميني وكمان تقدر تعرف منه سعر الدولار من هنا

كل خطوة بفلوس مع فيزيتا vezeeta

الحركة مفيدة جدًا لجسمك وليها فوايد كتير جدًا زي حرق الدهون، وتحسين الدورة الدموية وبتخلي ذهنك وقدراتك أفضل، تخيل بقى إنك دلوقت هتمشي وتجري وتتحرك كل يوم مش بس كدا كمان هتاخد فلوس على كل حركتك.

كل خطوة بتمن

فايدتي هتقولك القصة من البداية وهي إن أبلكيشن "فيزيتا" vezetta المعروف بيحاول يعمل حاجة مختلفة ويساعد العملاء إنهم يعيشوا حياة صحية أفضل ودا من خلال ممارسة رياضة المشي.

فيزيتا أطلقت حملة اسمها "معاك خطوة بخطوة"، اللي بتكافئ الناس على كل خطوة بيعملوها.

5000 خطوة في اليوم – 600 نقطة – 30 جنيه

هتسجل ازاي علشان تعمل فلوس؟

كل اللي هتعمله هتفتح أبلكيشن فيزيتا وهتسجل الدخول وهتفعل أداة تعقب الخطوات الموجودة على التطبيق، وكل اللي عليك بعد كده إنك تمشي 5000 خطوة في اليوم، ولما تكمل التارجت ده هتاخد 600 نقطة، ودول بيعادلوا 30 جنيه. 

النقط دي تقدر تستخدها في ايه؟

فيزيتا عملت نظام النقط في إنك تقدر تستخدمها في خدمات الرعاية الصحية الموجودة على التطبيق، يعني فعلا كل خطوة بفلوس، وابتكار تكنولوجي صغير ممكن يساهم في زيادة معدلات الحركة مصر كلها!

5000 خطوة قبل الساعة 12 بالليل

خلي بالك إنك لازم تكمل ال5000 خطوة قبل الساعة 12 بالليل، يعني قبل بداية يوم جديد، عشان اللي عملته طول اليوم مايروحش عليك. 

الحملة مستمرة لغاية امتى؟

الحملة مستمرة لغاية بداية شهر مايو، وتقدر كمان من خلال برنامج العملاء الخاص بفيزيتا تاخد نقط لما تعمل أي معاملات أو تطلب أي خدمة من الأبليكيشن. 

حمل تطبيق vezeeta واكسب فلوس 

للأندرويد من هنا

للأيفون من هنا