مين هو طلعت حرب أبو الاقتصاد المصري؟

من سنتين تقريباً، بنك مصر عمل حملة إعلانية في رمضان إسمها طلعت حرب راجع عن برنامج جديد للقروض، والحملة علّمت مع ناس كتير، بس هو مين طلعت حرب؟ 

معلومات عامة عن طلعت حرب:

اتولد في 25 نوفمبر 1867، ومات 13 أغسطس 1941، يعني قضى عمره كله في مصر الملكية.

طلعت حرب معروف بإنه "أبو الاقتصاد المصري"، بس هو في الحقيقة كان خريج حقوق، وأول شغلانة له كانت كمترجم بالقسم القضائي في الدائرة السنية، وده كان مكتب بيدير أملاك الخديوي. اشتغل طلعت حرب شغلانات كتيرة منهم مدير لشركة كوم إمبو، ومدير الشركة العقارية المصرية، وكان السبب إنه أثبت إنه مدير شاطر في حل الأزمات.

 فكرة بنك مصري بالكامل كانت فكرة قديمة دعى ليها الكتير قبل طلعت حرب، ولكن في كل مرة كانوا بيفشلوا في التنفيذ.

فكره الاقتصادي:

كان بيسيطر علىه فكر الإصلاح الاقتصادي وكان مهتم بتمصير الشركات بعد ما لقى إن أغلب المناصب المهمة كانت بيسيطر عليها الأجانب. في نفس الوقت، كان بيميل إلى  الاقتصاد الحر بمعنى إن الأسعار بتتحدد عن طريق العرض والطلب وبيبقى تأثير الحكومة على السوق بسيط، وفي مرحلة ما من حياته، تم إتهامه بإنحيازه للأغنياء، بس لما الحركة الوطنية اشتدت في مصر، ابتدى تفكيره يميل أكتر للوطنية، وابتدى يفكر في إنشاء بنك مصري بالكامل.

فكرة بنك مصر:

في كتابه "علاج مصر الاقتصادي"، كتب طلعت حرب عن فكره تأسيس بنك للمصريين، يقدر يحل مشكلاتهم، ويساعد على تطوير الاقتصاد المصري. بالرغم من إن فكرة بنك مصري بالكامل كانت فكرة قديمة دعى ليها الكتير قبل طلعت حرب، ولكن في كل مرة كانوا بيفشلوا في التنفيذ. بعد كدة في المؤتمر المصري الأول، طرح هو الفكرة تاني، وتم الاتفاق على إنشاء أول بنك مصري برأس مال مصري، وسافر طلعت حرب لأوروبا لدراسة البنوك هناك.

تأسيس بنك مصر:

تم تأجيل تنفيذ الفكرة لبعد انتهاء الحرب العالمية الأولى، وبعد كدة نجح طلعت حرب إنه يلم رأس مال البنك اللي كان 80,000 جنيه مصري من 126 مساهم مصري، وتم تأسيس البنك فعلياً في 1920.