"امتى يا فرنسا امتى أروح باريس" أسعار تذاكر حفلة ويجز

في سنتين بس ويجز قدر يحقق حلمه، ويجز غنى واحدة من أشهر أغانية اسمها "21" واحد وعشرين سنة 2020 وقال فيها "21 ولساني 60 ولساني سكين وانساني"، وفي نفس الأغنية برضو قال "امتى يا فرنسا امتى أروح باريس".

دا اللي خلى ناس كتير من عشاق مطرب الراب الشهير ويجز تربط حفلته الجاية في فرنسا، واللي هيعملها أول مرة في العاصمة الفرنسية باريس خلال شهر مايو الجاي 2022 بأغنيته المشهورة.

اسمع أغنية ويجز واحد وعشرين من هنا
 

اعرف اخر أغاني ويجز الجديدة من هنا وتفاصيل كتير عنها: أغنية ويجز في فيلم كباتن الزعتري تعرف عنها ايه؟           

حفلة ويجز في فرنسا

مطرب الراب الشهير ويجز هيعمل حفلة غنائية في العاصمة الفرنسية باريس، خلال شهر مايو الجاي 2022.

ومن المنتظر إن ويجز هيقابل جمهوره في حفلته دي في كباريه سوفاج باريس يوم 21 مايو.

أغلى تذكرة لحفلة ويجز في فرنسا بـ 800 جنيه

أسعار حفلة ويجز في فرنسا

الشركة المنظمة لحفلة ويجز في فرنسا طرحت تذاكر الحفل واللي اتقسمت إلى 3 فئات:

• الأولى 29.99 يورو يعني 611 جنيه مصري.
• الثانية 34.99 يورو يعني 712 جنيه مصري.
• الثالثة 39.99 يورو يعني 815 جنيه.

اعرف أكتر على كل الحفلات والعروض الفنية في رمضان من هنا: حفلات وعروض فنية في رمضان 2022 وأسعار التذاكر
 

انتقادات لـ"ويجز" بسبب لبسه

من الحاجات اللي اتسلط عليها الضوء في الفترة الأخيرة لبس ويجز في حفلته اللي كانت في السعودية يوم 15 مارس، وشارك فيها معاه عفروتو ومروان بابلو.

وفي الحفلة دي ظهر ويجز على المسرح بلبس غريب زي الجاكيت الطويل الأخضر، وشورت قصير وقميص من اللون البيج، من تصميم دار أزياء فالنتينو.

تفتكر الإطلالة اللي عملت ضجة دي لـ ويجز كلفته كام؟ اعرف دلوقتي من هنا: كام سعر إطلالة ويجز الغريبة في حفلة موسم الرياض؟