أمتي بدأت فكرة البنوك في العالم ، وايه سبب ظهورها؟

تاريخ النشر: في طرائف وعجائب

   أمتي بدأت فكرة البنوك في العالم ، وايه سبب ظهورها؟

ايه سبب ظهور البنوك، وايه الخدمات اللي بيقدمها؟

أشهر مؤسسة مالية على مستوى العالم هي البنوك، اللي في منها أنواع كتير، زي البنوك المركزية، والاستثمارية، والزراعية، والإلكترونية...إلخ. وتقدر تعرف الأنواع الموجودة في مصر بالتفصيل من هنا، أشهر أنواع البنوك في مصر.

 

معنى كلمة بنك:

 

بدأت فكرة البنوك في العصور الوسطى، بالتحديد في مدينة البندقية/فينيسيا في إيطاليا، وكانت في الأول ترابيزات بيقف عليها العمال الشغالين في صناعة الفلوس، وكان أسمهم الصيارفة. والترابيزات دي كان اسمها "بانكو" بالإيطالي وهي اللي اتخاد منها كلمة "بنك".


 

أول بنك في العالم:

 

أول بنك في العالم كان في فينيسيا، "بانكو دي جيرو" اللي افتتح سنة 1587، وبعده "بنك أمستردام" سنة 1609، ومع بداية القرن الـ 18 بدأ عددهم في الزيادة على مستوى العالم.

 

 

البنك هو أشهر مؤسسة مالية على مستوى العالم هي البنوك، اللي في منها أنواع كتير، زي البنوك المركزية، والاستثمارية، والزراعية، والإلكترونية.


 

سبب ظهور البنوك:

 

مع أختلاف أنواع التجارة حوالين العالم، كان نظام المقايضة هو أشهر طرق التبادل التجاري، لكن مع التطور اتفق الاقتصاديين انهم محتاجين نظام تاني لتبادل السلع، ومن هنا جاءت فكرة الفلوس اللي كانت محتاجة للبنوك. في البداية كانت الحيوانات هي العملة الأساسية، وبعدها بدأوا في استخدام معادن كتيرة، لغاية ما وصلوا لـ أغلاهم، الدهب، لأن قيمته عالية وثابتة.

بعد ما بقي الدهب هو عملة المحاسبة الرسمية، بقوا محتاجين لمكان يتحفظ فيه بعيد عن قطاع الطرق اللي بيهجموا على قوافل الأمراء والتجار، ومن هنا بدأت فكرة البنوك، لما قرروا يشيلوا فلوسهم عند عمال الصيارفة بمقابل مادي بسيط.


 

الخدمات البنكية:

 

بعد ما اشتهر الصيارفة وزاد الدهب اللي محفوظ عندهم، بدأوا يفكروا في توسعات أكبر واستغلال الدهب اللي متشال عندهم، وتقريبا أصحابه مش بيسحبوا منه غير 10% بس غير كدا كان في زيادة مستمرة، فـ فكروا ازاي يتوسعوا في خدماتهم، وفي البداية كانت:

 

  • إقراض الأموال مع الاتفاق علي ميعاد رجوعها، وعليها نسبة زيادة محددة.

 

  • اختراع "أمر الدفع" وهو الشيك دلوقتي، عشان ميضطرش التجار يتحركوا بفلوس كتير.

 

  • عشان يشجعوا علي إيداع دهب أكتر عندهم، أصدروا شهادات بمبالغ معينة، تعتبر تعهد من البنك لدفع مبلغ من العملات للـ معاه الشهادة دي، وسموها "بنك/نوتة" ، اللي سموها العرب "بنكنوت"، وبقيت بتتعامل كأنها عملة لسهولة استخدامها عن الدهب.

 

وده الوضع اللي استمرت عليها البنوك، لغاية الحرب العالمية الأولى اللي بدأت سنة 1914. أما لو عايز تعرف تاريخ دخول البنوك في مصر فـ تقدر تعرفه من هنا، أقدم 5 بنوك مصرية