16 مليون مشاهدة لـ "من أول دقيقة" في 4 أيام على يوتيوب

نجحت أغنية النجمة اللبنانية اليسا والنجم المغربي سعد لمجرد "من أول دقيقة"، في 4 أيام بس، على موقع يوتيوب إنها تحقق أكتر من 16 مليون مشاهدة وتتصدر التريند، والأغنية من كلمات: أمير طعيمة، وألحان: رامي جمال.

اسمع أغنية "من أول دقيقة" دلوقتي وكمان اعرف كلماتها.

لو لسه ماسمعتش الأغنية تقدر تسمعها دلوقتي "من أول دقيقة" اليسا وسعد لمجرد من هنا

كلمات أغنية اليسا وسعد لمجرد: من أول دقيقة

بغير من عيني وأنا شايفك وده اللي وصلت ليه

لو أسمع اسمي بشفايفـك بقولك كرريه

وعمري ما هقدر أوصفلك بحبك قـد ايه

ارسمني في ليلك نجمة ضيها يلمع في العين

اكتبني في عمرك كلمة يحكوها الناس بعدين

أنا نفسي أعيش فوق عمري يا حبيبي معاك عمرين

لو تطلبي مني عينيا لو تطلبي عمري كمان

هديكي سنيني الجاية وهكون راضي وفرحان

انتي اللي وجودك جنبي حسسني ان انا انسان

ده من أول دقيقة لحبك قلبي مال.. عرفت بميت طريقة أغير حال بحال

بتوه بين الحقيقة يا عمري والخيال

ده من اول دقيقة لحبك قلبي مال.. عرفتي بميت طريقة تغيري حال بحال

بتوه بين الحقيقة يا عمري والخيال

أنا عايزاك تفضل جنبي سندي وفارس أحلامي

قلبي في قربك متطمن خليك دايما ادامي

ده انا قبل ما بنطق كلمة بتكمل ليا كلامي

ده وجـودك بيكملني خليتي حياتي حياة

إحساسي بحبك خدني وانا هفضل ماشـي وراه

حضنك يا حبيبتي لا يمكن لو ثانية أعيش بـراه

فيه واحدة تمللي في ضهرك و في ضعفـــك هتقويك

تؤمرها حبيبي وأمرك هتقول شبيك لبيك

جنبك ولآخرعمرك هتعيش علشان ترضيك

ده من أول دقيقة لحبك قلبي مال.. عرفت بميت طريقة أغير حال بحال

بتوه بين الحقيقة يا عمري والخيال

ده من اول دقيقة لحبك قلبي مال.. عرفتي بميت طريقة تغيري حال بحال

بتوه بين الحقيقة يا عمري والخيال