أمن عربيتك!
أمن عربيتك!
أمن عربيتك!

عارف أنك تقدر تأمن عربيتك بأقل من 2% من قيمة السيارة؟

faydety-logo-text

3 حاجات لازم تبص عليها وأنت بتشتري عربية مستعملة اوتوماتيك!

تاريخ النشر: 09 يناير 2022

طرائف وعجائب

3 حاجات لازم تبص عليها وأنت بتشتري عربية مستعملة اوتوماتيك!

دور العربية بس متدوسش على البنزين وركز مع صوت الموتور هل طبيعي ولا في أي صوت خروشة أو برجلة؟

ايه هي خطوات شراء سيارة مستعملة؟ وازاي تختارها بدون ما تتعرض لأي عمليات نصب 3 حاجات لازم تبص عليها كويس جدًا اعرفها دلوقتي

 

لكن لو هتشتري عربية مانيوال خلي بالك دي 3 حاجات لازم تبص عليها وأنت بتشتري عربية مستعمله مانيوال!

                                                          

تبص على ايه وأنت بشتري عربية اوتوماتيك مستعملة؟

 

1-   المعاينة الخارجية

 

شوفها الصبح: علشان تبقى واضحة أكتر ولو فيها أي حاجة تقدر تشوفها بوضوح.

لف حواليها: أقف من بعيد وبص على العربية من كل الاتجاهات.

لون البويات: ركز هل هي موحدة ولا في فرق في البوية بين الرفرف أو الباب أو الكبوت هتلاقي الفرق في درجة اللون.

جنب العربية وسقفها: بص عليهم كويس وكمان الكبوت هل مستويين ولا لا.

المسافات بين الأبواب: بص على فواصل الصاج وشاسيه الاكصدام وأي مسافات بين الأبواب، وحط في اعتبارك إن اللي بيصلح العربية قبل ما يبيعها ما بيبصش على العربية من الأسفل.

طرف الكبوت: بص عليه كويس وخاصة المسامير اللي بتثبت الكبوت بجسم العربية هل عليها علامات بويات رش ولا لا.

بص على دول كمان: بص على شنطة العربية والأبواب بنفس الطريقة بالظبط.

بص على فرش الصالون والكراسي والتابلوه وكل الكماليات واتأكد إنها شغالة.

لو العربية فيها تكييف بص عليه كويس وما تشتريش عربية محتاجة شحن تكييف علشان ببساطة صيانتها غالية.

قطعت كام كيلو؟: متنساش تشوف كام كيلو السيارة عملتها وحالة الطارة ايه اخبارها وكمان مقبض الفتيس.

حالة كاوتش الأبواب: بص على كاوتش الأبواب والدواسات وقارنها بكام كيلو قطعتها العربية علشان تتأكد إن البياع أمين مش بيكدب عليك.

 

بص على بطن العربية واتأكد هل في رشح زيت من تحت؟ فلو الموتور مخدوش هيرشح زيت

 

2- بص ع العفشة والموتور

 

دور العربية بس متدوسش على البنزين وركز مع صوت الموتور هل طبيعي ولا في أي صوت خروشة أو برجلة.

 شغل التكييف وشوف تأثيره على انتظام الموتور.

خلي حد يدوس بنزين وبص على عادم العربية واتأكد هل لونه عادي ولا لون تاني.

حط ايدك على ديل الشكمان واكتمه وشوف هل بينفث ولا سليم.

اقف قدام الموتور وزود بنزين واتأكد من الموتور هل في أي آثار تسييل زيت على أي جزء ولو فيه فك الكفر بتاعه وبص تحته.

بص على بطن العربية واتأكد هل في رشح زيت من تحت؟ فلو الموتور مخدوش هيرشح زيت.

افتح مياه الرادياتير لما العربية تكون باردة واتأكد أن المياه خضراء ونقية ولا فيها صدأ أو عليها زيت ولو لاقيت كده ماتشتريش العربية.

طلع مقاس الزيت وبص على حالته خفيف محروق عادي لكن لو عليه مياه ماتشتريش العربية.

 أمن عربيتك دلوقتي حتي لو مستعملة من خلال فايدتي وانت فى مكانك!

 

3-   ركز مع الفتيس الاوتوماتيك

 

هات الطارة يمين للآخر واطلع بالعربية بسرعة واعمل كدا برضو في الشمال علشان تعرف حالة العفشة فلو فيها طقطقة تبقى أكيد فيها كبالن بايظة.

امسك الطارة وهزها سنة يمين وسنة شمال وأنت واقف ثابت وركز هل في صوت طقة ولا لأ؟

امشي بالعربية بدون ما تشغل الكاسيت وانزل في المطبات بسرعة شوية مرة بالجنب اليمين ومرة تانية بالجنب الشمال وشوف هل في أصوات مزعجة ولا لا.

انزل قدام الـ 4 عجلات وامسك الفردة من طرفها كويس وهزها يمين وشمال فوق وتحت واسمع هل في طقة ولا لا؟ هتعرف إذا كان في مشاكل في البلي والمقصات ولا لا؟

دوس بنزين للآخر فجأة وشوف استجابة الفتيس والموتور وصوتهم (كيك داون).

سوق على كل الغيارات وشوف هل النقل بيكون ناعم ولا في نتشة؟ ونصيحة لو في نتشة ابعد عنها احسن.

 

 ودي شوية معلومات تانية محتاج تعرفها عن العربيات المستعملة، خطوات بيع أو شراء عربية مستعملة عشان ميضحكش عليك

اختيار المحررين

faydety logo text
linkedin
instagram
youtube
twitter
facebook

منتجات بنكية

قروض شخصية

قروض سيارات

تمويل المشاريع الصغيرة

بطاقات ائتمان

شهادات و ودائع

منتجات تأمين