5 أفكار هدايا موفرة لعيد الأم: الفكرة الأخيرة هتفرق معاها

عيد الأم خلاص قرب مع حيرة كل سنة "هجيب لماما ايه؟ وهجيب فلوس منين؟" وبما أن العيد ده دايما أخر الشهر وأحنا مفلسين، هنقولك على هدايا مش غالية عشان تحتفل من غير ما تزعل ماما ولا تبوظ الميزانية.

1- موبايل Smartphone:

اشترك مع اخواتك وهاتوا لماما Smartphone تعرف تفتح عليه الانترنت، والموبايلات دي بتبدأ من 1,500 جنيه، وممكن تزود عليهم علي قد ماتقدر. متنساش بس تساعدها تنقل الأرقام من تليفونها القديم للجديد.

2- أدوات المطبخ/ أجهزة كهربائية:

مع أننا المفروض نشتري هدية شخصية لماما إلا إن أحيانا بتكون محتاجة أدوات/أجهزة الكهربائية اللي بتسهل عليها كتير في المطبخ، زي غسالة الأطباق والميكرويف والعجانة الكهربائية. في الحالة دي محتاج تروح المحلات المخصصة اللي بتقدم عروض في الموسم ده، زي محلات زهران، وفي مواقع أونلاين برضه بتعمل عليها Offers زي سوق.كوم ونون.كوم، وأسعار الأدوات دي بتبدأ من 100 جنيه، والأجهزة من 250 جنيه.

مفيش أحسن من وقتك تهادى بيه ماما، لما تفضيلها نفسك ليوم واحد

3- فضة/دهب:

الاكسسوارات دايما بتعتبر من الهدايا  المناسبة للأمهات، وأسعارها ممكن تبدأ من 300 جنيه للفضة و1,000 جنيه للدهب. فـ ممكن تجيب لماما سلسلة أو إنسيل حلو، ولو عرفت تضبط المقاس ممكن تجيب خاتم.

4- كارت هدايا:

لو محتار في الهدية ومش عايز تجيب حاجة متعجبش ماما، ممكن تروح تشتري كارت هدايا من محل بتحبه وهي تبقي تروح تجيب حاجة علي ذوقها. الهدية دي ممكن تبقي هدوم أو أدوات مطبخ.

5- أديها وقتك:

مفيش أحسن من وقتك تهادى بيه ماما، لما تفضيلها نفسك ليوم واحد تروحوا تعملوه فيه حاجة لذيذة مع بعض، ودي شوية أفكار ممكن تعملها لليوم ده:

• اعزمها علي الغدا بره
• خدها السينما/المسرح
• أعملوا Picnic  مع بعض في الجنينة وخلي الغدا عليك
• خدها في فلوكة في النيل

لو الكاش مقصر معاك الشهر ده، ممكن تقدم على كريدت كارد وتشتري بيها الهدية، وتقدر تدخل دلوقتي علي موقعنا وتختار الكارت المناسب ليك علي صفحة بطاقات الائتمان من هنا.