أمن عربيتك!
أمن عربيتك!
أمن عربيتك!

عايز وسيط تأمين ببلاش؟ ادخل هنا واختار التأمين المناسب ليك بأكتر من طريقة تقسيط وسيب الباقي علينا.

faydety-logo-text

7 معلومات عن الورق اللي بيطرقع: ممكن ينقذ حياتك!

تاريخ النشر: 16 فبراير 2022

طرائف وعجائب

7 معلومات عن الورق اللي بيطرقع: ممكن ينقذ حياتك!

أوقات كتير بتشتري حاجات ملفوفة بالورق اللي بيطرقع "Bubble Wrap" وبيبقى ممتع جدًا إنك تفرقعه سواء كبير أو صغير محدش بيعرف يمسك نفسه قدام الورق دا، وأوقات بتخبيه من أي حد علشان تطرقعه أنت كله لوحدك، هنقولك على شوية معلومات عنه هتعرفها لأول مرة.

 

1- سبب اختراعه مش التغليف!

 

تعرف إن السبب الرئيسي لاختراع الـ”Bubble Wrap”  ماكنش التغليف أصلًا، وكان التسويق له في البداية سنة 1957 على أساس إنه خلفية للزخرفة لكن ماحققش مبيعات كويسة خالص.

بعد كدا اتباع على أساس إنه بيُستخدم في عزل صوب الزراعة، لغاية ما استخدمته شركة في حماية منتجاتها وكانت نتيجته كويسة جدًا ومن وقتها وهو بيُستخدم في التغليف.

 

2- سحر المساج بسبب الطرقعة!

 

الدراسات قالت إن 60 ثانية "دقيقة واحدة" من طرقعة ورق التغليف "Bubble Wrap"  بتساوي 33 دقيقة مساج لأنه قادر يخفف نسبة التوتر لما بتفرقع الفقعات دي.

 

3- رقم قياسي مسجل

 

تعرف إن في رقم قياسي متسجل في 2015 إن في 2681 شخص قعدوا فرقعوا  الـ”Bubble Wrap” مع بعض، وكسروا الرقم القياسي اللي قبله اللي كان 942 شخص في وقت واحد.

 

4- فستان عروسة من الـ  “Bubble Wrap”

 

سنة 2010 في بنت اسمها "راشيل روبنسون" من انجلترا اختارت إنها تلبس فستان مصنوع من الـ “Bubble Wrap”، والفستان اتصمع في المدرسة اللي بتدرس فيها راشيل لعرض أزياء المواد القابلة لإعادة التدوير، وكان طوله 3 أقدام.

 

5- الـ “Bubble Wrap” لنقل المرضى

 

في النرويج لما بيتم نقل المرضى بيلفوهم في “Bubble Wrap” عشان يمنعوا إن درجة حرارة جسمهم تنخفض في الجو الساقعة، مش بس كدا كمان في دراسة اتعملت إن ورق التغليف بيساعد جسمك على الاحتفاظ بالحرارة بنسبة 69% زي البطانيات.

 

6- "240.000" ميل كل سنة من الـ”Bubble Wrap”

 

في شركة بتنتج كميات من الـ Bubble Wrap تكفي للف كوكب الأرض 10 مرات.

 

7- انقذ حياتك بـ “Bubble Wrap” 

 

في دراسة اتعملت إن الواحد لو نط من الدور السادس وهو لافف على جسمه كله 39 طبقة من الـ ”Bubble Warp”  مش هيحصله حاجة.. بس اوعى تجرب دا يعني!

اختيار المحررين

faydety logo text
google
apple
linkedin
instagram
youtube
twitter
facebook

منتجات بنكية

قروض شخصية

قروض سيارات

قروض منازل

تمويل المشاريع الصغيرة

بطاقات ائتمان

شهادات و ودائع