8 أسباب بتخلي المشاهير يتعاملوا مع بنوك سويسرا

يا ترى ايه السر ورا إن المشاهير والأغنياء بيحطوا فلوسهم في بنوك سويسرا تحديدًا؟ وكمان في كتير من القضايا المتعلقة بناس معروفين في المجتمع بيكون ليهم حسابات في بنوك سويسرا.

خلينا نقولك إن الاقتصاد السويسري من أكتر الاقتصادات استقرارًا في العالم، وكمان في ثقة من العملاء ناحية البنوك في سويسرا، وبتُعتبر من الدول الأغنى في العالم والمراكز المالية اللي كل العيون بتروح ناحيتها طول الوقت.

تاريخ البنوك السويسرية

بداية البنوك السويسرية كانت في منتصف القرن الـ 19، وكان بعضها حكومي والبعض التاني خاص، ونجحت من وقتها إنها تحافظ على الحياد ناحية كل الأحداث العالمية.

من ضمن قوانين المصارف هناك إن أي كشف عن هوية لعميل مخالف للقانون.

سرية المصارف السويسرية

البنوك السويسرية بتحمي سرية وخصوصية بيانات العملاء، ودا الشئ المميز في بنوك سويسرا عمومًا السرية الشديدة، وأي كشف بنكي عن أي بيانات جريمة في سويسرا، ودا اللي خلى بنوك سويسرا أمان لأي حد عنده ثروة ضخمة مش عاوز حد يعرف عنها حاجة.

إجراء جديد في البنوك السويسرية

قبل كدا ماكنش بيتطلب معرفة مصدر الفلوس وغيرها من أشكال الثروة لكن بعد ظهور قضايا كتير زي الفساد والإرهاب والتهرب الضريبي ومطالبة دول كتير بدأت سويسرا في رفض الحسابات المشبوهة ومصادرها مش قانونية.

فايدة قليلة لكن أمان عالي

على الرغم من إن الإيداع في بنوك سويسرا بيكون بفايدة قليلة لكن السرية بتوصل لأعلى مستوى ممكن ودي الميزة، وفي مميزات تانية غير السرية كمان في بنوك سويسرا:

1-   قلة الضرائب:

النظام المصرفي السويسري معفى من الضرائب.

2-   الحسابات الرقمية:

كل مودع في سويسرا عنده رقم تعريف خاص بيه، اللي بيعرفه بس المدير العام للمصرف واللي ليهم صلاحية الدخول للحسابات دي من المديرين.

3-   حماية البيانات:

تشفير المعلومات بطريقة آمنة جدًا.

4-   التعويض:

لو حثلت كارثة طبيعية أو حريق فبنوك سويسرا بتعوض الشخص بدون أي تكاليف أو مساءلة.

5-   عملة مستقرة:

الفرنك السويسري من أكتر العملات المستقرة في العالم، ومعدل تضخمها تقريبًا مش معدوم، ودا لأن احتياطي الدهب بيغطيها بنسبة 40% على الأقل.

6-   اقتصاد قوي جدًا

اقتصاد سويسرا قوي للغاية، وتقدر تراهن بفلوسك كلها في بنوك سويسرا بدون مخاطرة.

7-   تسهيلات فتح الحساب

أي حد يثدر يفتح حساب بنكي في سويسرا مش بس الأغنياء.

8-   بيئة سياسية مستقرة

دا شئ مريح لأي حد إن النظام السياسي السويسري مستقر.

اعرف أكتر عن اسعار العملات وحاسبة تحويل العملات من فايدتي