آخر قرارات مجلس الوزراء لرفع الحد الأدني لأجور الموظفين

تاريخ النشر: في عالم المال

آخر قرارات مجلس الوزراء لرفع الحد الأدني لأجور الموظفين

اعرف الحد الأدنى لإجمالي الأجر الشهري لكل درجة وظيفية بعد القرارات الجديدة

مجلس الوزراء وافق على مشروع قرار رئيس الوزراء بخصوص تقرير الحد الأدنى للأجور للموظفين والعاملين في أجهزة الدولة والهيئات العامة الاقتصادية، ومن المقرر أن العمل بالقرار ده  يتم من أول يوليو 2021، كمان تم تحديد تكلفة تمويل حركة ترقيات الموظفين اللي بتنطبق عليهم شروط الترقية في 30 يونيو اللي جاي، وده طبعاً هيحسن أجورهم بقيمة علاوة الترقية اللي القانون قررها بتكلفة إجمالية مليار جنيه.

 ده غير أن هيتم تخصيص حافز مالي للعاملين المنقولين للعاصمة الإدارية الجديدة بتكلفة إجمالية 1.5 مليار جنيه، وزيادة قيمة المعاشات بحوالي 13% بتكلفة إجمالية 31 مليار جنيه.

 

الحد الأدنى لإجمالي الأجر الشهري لكل درجة وظيفية:

 

1- الدرجة الممتازة أو ما يعادلها بلغ الحد الادنى للاجور لها 8400 جنيه.

2- الدرجة العالية أو ما يعادلها 6000 جنيه.

3- الدرجة مدير عام أو ما يعادلها 4800 جنيه.

4- الدرجة الأولى أو ما يعادلها 4200 جنيه.

5- الدرجة الوظيفية الثانية أو ما يعادلها 3600 جنيه.

6- الدرجة الثالثة أو ما يعادلها 3120 جنيها.

7- الدرجة الرابعة أو ما يعادلها 2880 جنيهًا.

8- الدرجة الخامسة أو ما يعادلها 2640 جنيها.

9- الدرجة السادسة أو ما يعادلها 2400 جنيها.

 

كمان تم تحديد تكلفة تمويل حركة ترقيات الموظفين اللي بتنطبق عليهم شروط الترقية.

 

أما بالنسبة للقطاع الخاص فـالمسؤول عن تحديد أجور العاملين بالقطاع الخاص هو المجلس الأعلى للأجور، وده بيضم وزارة التخطيط والقوى العاملة والتموين وممثلين عن العمال من اتحاد العمال، وكان اجتماعهم في أول مايو 2021  اللي اتقرر فيه بحث المقترحات الخاصة بتحديد الحد الأدني للأجور عشان يتم إلزام شركات القطاع الخاص به، ده غير تحديد قيمة العلاوة الدورية.