أساسيات التجارة عبر الإنترنت

التجارة عبر الإنترنت بقت جزء أساسي من الحياة اليومية، وخصوصاً بعد أزمة فيروس كورونا المستجد، وعشان كدة لو أنت بتفكر تفتح حاجة أونلاين لازم تبقى مدرك أساسياتها.

مميزات التجارة عبر الإنترنت:

1. مش بتحتاج واجهة أو محل تعرض فيه منتجاتك، وده بيوفر عليك مصاريف كتير.

2. ممكن توصل لعملاء أكتر لإنك مش مرتبط بمكان أو حي معين، أي حد عنده إنترنت ممكن يوصل لك.

3. ممكن تقدم تشكيلة أكبر من المنتجات اللي العملاء بيقدروا يشوفوها بسهولة عشان أنت مش متحجم بمساحة معينة.

4. تقدر تستخدم مواقع التواصل الاجتماعي عشان توصل لناس أكتر.

أول حاجة لازم تفكر فيها هي المنتج:

إيه هو المنتج اللي أنت هتقدمه أونلاين؟لازم المنتج اللي أنت هتقدمه يكون الناس محتاجاه عشان تضمن مبيعاتك. ممكن تعمل استطلاع رأي على الجروبس اللي على فايسبوك عشان تعرف الناس محتاجة إيه.

وبعد كدة لازم تفكر في مواصفات المنتج عشان تعرف متطلباتك هتبقى إيه. فمثلاً لو المنتج ده قابل للتخزين، يبقى ممكن تحتاج لمخزن يستقبل الطلبات ويشحنها، وفي نفس الوقت يكون المكان اللي أنت بتخزن فيه المنتج، ودي كانت بداية مؤسس أمازون جيف بيزوس، اللي ابتدى أمازون من جراج بيته، وكان ده المخزن اللي بيستخدمه لتخزين الكتب وشحن الطلبات.

مين الزبون بتاعك؟ لازم تحدد زبونك عشان تعرف هتوصله إزاي، وبناءً على ده، هتبني طريقة الدعاية اللي أنت هتستخدمها لشد الزبون لمنتجاتك

تاني حاجة هي الموقع:

أهم حاجة في الموقع اللي هتعرض عليه المنتج إنه يكون سهل الاستخدام ومتطابق مع أجهزة المحمول لإن أغلب الناس بتضايق من المواقع الغير واضحة أو اللي بتاخد وقت عشان تحمل أو لو المنتجات فيها مش واضحة. وعشان كدة لازم تصميم الموقع يبقى بسيط وحلو عشان يشد الزبون إنه يقعد فيه لوقت أطول.

تالت حاجة هي الدعاية:

مين الزبون بتاعك؟ لازم تحدد زبونك عشان تعرف هتوصله إزاي، وبناءً على ده، هتبني طريقة الدعاية اللي أنت هتستخدمها لشد الزبون لمنتجاتك، وطبعاً دلوقت أفضل طرق الدعاية هي أونلاين عن طريق مواقع التواصل الاجتماعي.

رابع حاجة هي خدمة العملاء:

عشان التجارة عبر الإنترنت معتمدة أساسياً على السمعة أونلاين، ماينفعش إن خدمة العملاء تكون أي كلام، ولازم تستمع للعملاء وتشوف مشاكلهم وتحاول تحلها بسرعة، وإلا كدة سمعتك هتبوظ ودي أكتر حاجة ممكن تضيع أي شركة أو شغل.