ازاي سد النهضة بيأثر على المياه؟ وازاي تساهم في حل الأزمة؟

أكيد سمعت عن ازمة سد النهضة بين مصر وأثيوبيا، واللي أساس الخلاف فيها هو مدة ملئ السد وكيفية تشغيله، ومصر طلبت أن فترة ملئ السد تمتد لكن إثيوبيا تمسكت بـ4 لـ 7سنين بدل من سنتين لـ 3 سنين، وكان بدأ ملئ الخزان في يوليو 2020، ومن المتوقع أن يستغرق اكتماله ما بين 5 لـ 15 بحسب الحكومة الاثيوبية.

وكانت مصر قدمت مقترح طلبت فيه من إثيوبيا اخبارها وأخد موافقتها قبل ملئ السد لتجنب الجفاف، لكن إثيوبيا رفضت، وتعتبر المشكلة الأساسية هو خوف مصر والسودان علي حصتهم من مياه النيل اللي بيعتمد عليه  قطاعي الري ومياه الشرب بنسبة 97%.

عن سد النهضة:

سد النهضة الأثيوبي الكبير كان معروف باسم سد الألفية، وهو سد على النيل الأزرق في إثيوبيا تحت الإنشاء من سنة 2011. يقع السد في منطقة بني شنقول-قماز الإثيوبية ويبلغ ارتفاعه 145 متراً. والغرض الأساسي من إنشائه هو توليد الكهرباء لتعويض النقص الحاد في الطاقة في إثيوبيا، ولتصدير الكهرباء للبلاد المجاورة، ومن المتوقع أن يكون السد أكبر محطة للطاقة الكهرومائية في أفريقيا وسابع أكبر محطة في العالم بسعة مخططة تبلغ 6.45 جيجا وات.

 مصر قدمت مقترح طلبت فيه من إثيوبيا اخبارها وأخد موافقتها قبل ملئ السد لتجنب الجفاف، لكن إثيوبيا رفضت

والمشكلة دي بتفكرنا أننا محتاجين نرشد استهلاكنا للمياه لمصلحة البيئة الطبيعية، عشان كده فايدتي هتقولكم على شوية طرق توفروا بيها استهلاكم. 

طرق التوفير في المياه في البيوت:

• أتاكد من عدم وجود تسريب في الحنفيات والحمامات
• الاستحمام فترات أقل
• عدم استخدام التواليت كـ طفاية للسجاير أو لرمي المناديل والزبالة
• قفل الحنفية وقت غسل الأسنان والحلاقة
• إذابة الطعام المجمد جوا التلاجة
• غسل الخضروات في طبق فيه مياه
• تعبئة غسالة الأطباق على الأخر قبل تشغيلها
• تعبئة غسالة الملابس بالكامل قبل تشغيله

طرق التوفير في المياه خارج البيوت:  

• عدم ري الجنينة أكتر من اللازم
• تعديل رشاش المياه علشان ما يسقيش الرصيف أو الشارع
• ما تسقيش الجنينة في أيام المطرة
• استخدام نظام الري بالتنقيط
• زراعة نباتات وأعشاب بتتحمل الجفاف ومش بتحتاج الكتير من المياه
• تغطية حمامات السباحة لتقليل تبخر المياه ولعدم الحاجة لتغييرها
• استخدام مكنسة بدل الخرطوم لتنضيف الرصيف والمدخل ومواقف العربيات

طرق لإعادة استهلاك المياه المستخدمة: 

• بدل من استخدام غسالة الأطباق لتنضيف الأطباق ممكن تستخدام حوض بلاستيك وبعدها            تعيد استخدام المياه دي في ري الزرع أو تنضيف الأرضيات والحمامات.
• حوش المطرة وأغليها لاستخدمها في الطبخ والشرب أو لاستعمالها                                             في عمليات التنضيف المختلفة.
• استخدم المياه المتبقية من غلي الخضار أو المكرونة لطبخ الشوربة
• استخدم مياه سلق البيض لري الزرع لأنه مليان بالكالسيوم.
• استخدم مياه اللي نازلة من غسالة الملابس في تنضيف الأرضيات