إزاي أشهر ناطحات السحاب في العالم بتكسب مصاريف تكلفتها

الأبراج أو ناطحات السحاب من المعالم السياحية المهمة لو موجودة في أي بلد وده طبعاً بيزود من الدخل القومي للدولة، كمان بيتم عرض اعلانات بطول ناطحات السحاب وده بيزود من الإيرادات، ده غير ان في الاغلب بيكون فيها فنادق بتزود من مكاسب البرج، وفي اليوم العالمي لناطحات السحاب هنقولك على أشهر الأبراج دي واللي حققت ارباح كبيرة:

1- برج خليفة - الامارات

يعتبر أعلى ناطحة سحاب في العالم وحقق أكتر من رقم قياسي في ارتفاعه اللي وصل 828 متر فوق سطح الارض، وبيتكون من أكتر من 160 دور، ده غير باقي الأرقام القياسية اللي كسرها عن طريق توفيره أعلى طابق مأهول بالسكان وأعلى معرض فني، وأعلى ارتفاع يقدر يوصله مصعد في العالم.

تكلف إنشاء مبنى برج خليفة حوالي 1.5 مليار دولار أمريكي بس قدر يجمع مبلغ التكلفة بالكامل خلال السنة الأولى للبرج فقط!

ووصلت أسعار الإيجار في البرج حوالي 81,000 درهم إماراتي للاستوديو، و 467,000 للشقة 4 غرف  في السنة.

2- برج شانغهاي - الصين

تاني أعلى ناطحة سحاب في العالم، بارتفاع 632 متر فوق سطح الأرض، وبيتكون من أكتر من 120 دور، واتكلف حوالي 2.4 مليار دولار وبكده يعتبر أعلى تكلفة انشاء في الصين، ده غير ان فيه أسرع مصعد في العالم بسرعة 18 متر/ الثانية وتم افتتاح فندق فيه مؤخراً، ووصل سعر الحجز في الفندق لـ 67 ألف يوان يعني حوالي 10350 دولار في الليلة ايام الاجازات.

تكلف إنشاء مبنى برج خليفة حوالي 1.5 مليار دولار أمريكي بس قدر يجمع مبلغ التكلفة بالكامل خلال السنة الأولى للبرج فقط!

3- برج ساعة مكة - السعودية

وهي ساعة فوق مجمع أبراج البيت ضمن فندق فيرمونت بمدينة مكة المكرمة غرب السعودية، وارتفاعها بيزيد عن 600 متر واتسجلت كـ أكبر ساعة في العالم، والبرج ارتفاعه 601 متر، وعلى عكس المتوقع يعتبر برج الساعة هو الأغلى في تكاليف الإنشاء بحوالي 15 مليار دولار.

ووصل سعر الليلة في فندق فيرمونت برج مكة لـ 136 دولار.

4- مركز بينج آن المالي - الصين

هو ناطحة سحاب طولها 599 متر وعبارة عن 115 دور مكانها في مدينة شينزين الصينية، وتعتبر تاني أطول مبنى في الصين و رابع أطول مبنى في العالم، واتكلف حوالي 1.5 مليار دولار.

والمبنى فيه مساحات مكتبية وفنادق ومحلات ومركز مؤتمرات ومول، ومشهور بوجود منصة مراقبة اسمها Free Sky في الدور الـ 116 تعتبر من الأماكن السياحية للزيارة في البرج، وكمان البرج فيه المقر الرئيسي لشركة بينج آن للتأمين.

5- مركز التجارة العالمي - الولايات المتحدة الأمريكية

البرج مكانه في مدينة نيويورك في نفس مكان برجين التجارة العالمي المنهارين، وهو يعتبر أعلى مبنى تجاري في الولايات المتحدة بارتفاع وصل لـ 541 متر، وهو عبارة عن 104 أدوار، واتكلف الإنشاء حوالي 3.8 مليار دولار.