إيه علاقة التأمين على العربية بقروض البنوك؟ | فايدتي

إيه علاقة التأمين على العربية بقروض البنوك؟

تاريخ النشر: في عالم المال

إيه علاقة التأمين على العربية بقروض البنوك؟

ليه التأمين وقروض البنوك ليهم صلة ببعض؟

ساعات كتير بتتمنى لو عندك عربية عشان تقدر تروح الشغل فى ميعادك أو تلحق كل مواعيدك، ومن غيرها بتضطر تركب مواصلات والمشوار بيطول معاك، عشان كده العربية دلوقتي بقت حاجة أساسية لـ معظم الناس وحتى لو مش معاك تمنها، فـ قرض العربية هيساعدك.

 

ايه هو قرض العربية؟

 

هو قرض بتقدم عليه من البنك، والعربية اللى بتشتريها بتكون ضمان ليه لحد ما فترة السداد تخلص، ومدة القرض ده بتبدأ من سنة وممكن توصل لـ 7 سنين.

 

مميزات قروض العربية:

 

  • نسبة الفايدة بتكون قليلة مقارنة بـ القرض الشخصي، لأن العربية بتكون ضمان للبنك
  • التأمين على العربية شرط أساسي، وفي بنوك بتشترط عليك الشركات اللي تقدر تتعامل معاهم

 

لو مأمن ممكن تصلح عربيتك فى مراكز تصليح العربيات الخاصة بشركة التأمين

 

ايه هو تأمين قرض العربية؟

 

بيعتبر من أنواع تأمين القروض، البنك أو الجهة المقرضة بتستخدم النوع ده من التأمين عشان تضمن بيه حقوقها فى حالة أن الشخص اللى أخد القرض مقدرش يسدد الأقساط اللى عليه.

 

مميزاته:

 

  • شركات تأمين السيارات بتدفع للبنك المبلغ اللى متسددش من العميل كـ دفعة واحدة أو أقساط شهرية
  • بسبب المنافسة اللى بين البنوك والتغييرات اللى بتحصل فى السوق المصري، فـ النوع ده من التأمين ساعد على حماية الاقتصاد القومي من السرقة والاحتيال
  • تأمين قرض العربية شجع البنوك على تمويل وإقراض عدد أكبر من العملاء
  • التأمين ساعد البنوك ياخدوا حقوقهم بسهولة  بدل ما يضيعوا وقتهم فى المحاكم وهما بيطلبوا فلوسهم من العملاء

 

ايه الحاجات الأساسية اللى شركة التأمين بتغطيها؟

 

  • لو العربية اتخبطت أو حصلها حادثة بسيطة، شركة التأمين بتسدد جزء من المصاريف أو بتدفعها كلها
  • شركات تأمين السيارات بتغطي الحوادث زي السرقة، والحريق والكوارث الطبيعية زي المطر الشديد والعواصف
  • ممكن تصلح عربيتك فى مراكز تصليح العربيات الخاصة بشركة التأمين
  • بتغطي الأضرار اللى ممكن تسببها في عربية غيرك