أمن عربيتك!
أمن عربيتك!
أمن عربيتك!

أمن على عربيتك في دقايق واحصل على ارخص تأمين في مصر بالقسط اللي يريحك من هنا!

faydety-logo-text

إيه هي أنواع الشركات في مصر؟ وأي نوع مناسب ليك؟

تاريخ النشر: 17 سبتمبر 2020

عالم المال

إيه هي أنواع الشركات في مصر؟ وأي نوع مناسب ليك؟

اعرف نوع الشركة قبل ماتبدأ فى وظيفتك الجديدة.

لو عايز تفتح مشروع في مصر، يبقى لازم تعرف أنواع الشركات في مصر، وتشوف أنهي نوع شركة هتبقى الأفضل بالنسبة لك.

 

1. شركات الأشخاص

 

الشركة الفردية

 

الشركة الفردية بتتكون ملكيتها من شخص واحد، وهو اللي بيبقى مسئول عن سداد ديونها، وفي حالة تعثر الشركة، بيتم سداد الديون من ممتلكاته الخاصة. الشركة الفردية هي الأسهل في التأسيس من ناحية الإجراءات.

 

شركة التضامن

 

زي الشركة الفردية، بس بتتكون من فردين أو أكتر، وبرضو لو حصل تعثر في سداد الديون، بيتم الرجوع لأموال الشركاء الشخصية لسدادها.

 

 شركة التوصية البسيطة

 

بتتكون الشركة من النوع ده من نوعين من الشركاء:

 

1. شركاء متضامنين: دول بيبقوا مسئولين عن كل حاجة في الشركة، وهم اللي بيقع عليهم المسئولية القانونية.

 

2. شركاء موصون: دول بيشاركوا برأس المال، ولكن مالهمش أي حق في إدارة الشركة، وبفي حالة التعثر، بيشاركوا في دفع ديون الشركة على حسب حصتهم فيها.

 

غالبية شركات الأموال بتبقى شركات مساهمة، وعادة بيبقى رأس المال متقسم لأسهم متساوية.

 

شركة المحاصة

 

نوع من الشركات اللي بتتعمل لغرض معين وبتكون مكونة من شخصين أو أكتر، وأول ما هدف الشركة بيتحقق، بتنتهي الشراكة، وتحل الشركة. والنوع ده من الشركات مابيبقاش لها كيان قانوني، وتقريباً بتبقى شراكة سرية.

 

2. شركات الأموال

 

شركة مساهمة

 

غالبية شركات الأموال بتبقى شركات مساهمة، وعادة بيبقى رأس المال متقسم لأسهم متساوية، وملكيات الشركاء الفردية ما تتأثرش بتعثر الشركة، ولكن لو حصل مشاكل، بيفقد الشركاء رأس المال اللي استثمروه في الشركة.

 

شركة التوصية بالأسهم

 

النوع ده من الشركات بيتكون من كذا نوع من الشركاء:

 

1. شركاء متضامنون: دول اللي بيبقوا مسئولين عن إدارة الشركة، ولازم ما يقلش عددهم عن اتنين.

 

2. شركاء مساهمون: دول بيشاركوا برأس مال على حسب حصتهم في الشركة، ومابيبقاش لهم حق الإدارة. ولازم ما يقلش عددهم عن تلاتة.

 

شركة ذات مسئولية محدودة

 

هي شركة شبيهة بالشركة الفردية، وماينفعش يزيد عدد الشركاء فيها عن 50، وماينفعش الشركة تعمل إكتتاب عام للأسهم بتاعتها، والشريك في الشركة ما يقدرش يبيع حصته لحد برة الشركة.

اختيار المحررين

faydety logo text
google
apple
linkedin
instagram
youtube
twitter
facebook

منتجات بنكية

قروض شخصية

قروض سيارات

قروض منازل

تمويل المشاريع الصغيرة

بطاقات ائتمان

شهادات و ودائع