إيه هي التكنولوجيا المالية وأسباب ظهورها؟

تاريخ النشر: في عالم المال

إيه هي التكنولوجيا المالية وأسباب ظهورها؟

اتعرف على مميزات التكنولوجيا الماليه.

هو بإختصار دخول التكنولوجيا في مجال الخدمات المالية من أول القروض، لخدمات الاستثمار، للسحب والإيداع كله عن طريق التليفون، ومن غير ما يضطر الواحد إنه ينزل من بيته.

 

أمثلة على التكنولوجيا المالية:

 

مواقع الدفع المالي زي Paypal وVenmo اللي بتسمحلك تدفع مصاريفك إلكترونياً، وتقدر تحول فلوس لأي حد عنده إيميل.

 

الدفع عن طريق الموبايل، وده بيدخل فيها شركات الإتصالات، ولو عايز تعرف أكتر عن الخدمات دي في مصر، شوف المقالة دي(link). 

 

تقليل التكاليف للشركات بسبب استخدام الكمبيوتر أو الموبايل في الربط ما بين المستهلك والخدمة، أو تقديم الخدمة بالكامل عن طريق الكمبيوتر أو الموبايل.

 

التمويل الجماعي (crowd funding): هو نظام بيتم من خلاله جمع تمويل من مجموعة من الأفراد عشان مشروع معين، وبيعتمد على عدد الأفراد الكبير في تمويل رأس مال المشروع، وفي كذا موقع زي Kickstarter، وPatreon بيقدموا الخدمة دي في مقابل نسبة من الفلوس المتجمعة.

 

برامج لتقديم النصايح المالية (Robo-Advising)، البرنامج بيقوم بمتابعة لوغريتمات وأنماط الأسهم، وبيعتمد على المعلومات دي لتقديم النصايح المستقبلية، وميزته الأساسية إنه بيبقى سعره أقل بكتير من استخدام شركات إدارة الأموال، أو الاستعانة بمستشار مالي.

 

أسباب ظهور التكنولوجيا المالية:

 

تقبل الأجيال الجديدة للتكنولوجيا، والميول للحلول السريعة اللي بتناسب نمط حياتهم.

 

تقليل التكاليف للشركات بسبب استخدام الكمبيوتر أو الموبايل في الربط ما بين المستهلك والخدمة، أو تقديم الخدمة بالكامل عن طريق الكمبيوتر أو الموبايل.

 

إمكانية الوصول للخدمات البنكية في أي وقت من اليوم، وبالتالي العميل مش محتاج يلتزم بميعاد شغل البنوك. 

 

دخول عصر البيانات الضخمة اللي سمح باستيعاب معلومات كتيرة عن العملاء، وبالتالي بيتم تخصيص شكل الخدمة على حسب متطلبات العميل عن طريق تحليل الكمبيوتر.