ارتفاع أسعار البنزين في مصر | فايدتي

ارتفاع أسعار البنزين في مصر

تاريخ النشر: في عالم المال

ارتفاع أسعار البنزين في مصر

اعرف أسعار البنزين الجديدة والحاجات اللي أثرت عليها الزيادة.

أعلنت لجنة التسعير الآلي يوم الجمعة 23 أبريل، رفع أسعار البنزين، واللجنة دي خاصة بتسعير المنتجات البترولية آلياً وبشكل عادل، بحيث انها بتربط الأسعار في السوق المحلي بالمنتجات اللي شبهها في العالم وبيعملوا اجتماع كل 3 شهور يحسبوا فيه أسعار التكلفة على المنتجات ويتابعوا معادلة السعر وكمان بيقدموا اقتراحات لتحسين الآلية دي.

 ويرجع سبب ارتفاع سعر البنزين المرة دي لارتفاع سعر النفط عالمياً و سعر صرف الدولار مقابل الجنيه المصري.

 

وأعلنت وزارة البترول أن تم رفع أسعار البنزين ووصل لـ:

 

بنزين 95 أوكتان ارتفع من 8.5 لـ 8.75 جنيه للـ لتر. 

بنزين 92 ارتفع من 7.50 لـ 7.75 جنيه للـ لتر.

بنزين 80 من 6.25 لـ 6.50 جنيه للـ لتر. 

 

*ملحوظة، الأسعار دي شاملة ضريبة القيمة المضافة.

لو عايز تعرف أكتر ممكن تقرأ هنا، إيه هي ضريبة القيمة المضافة؟

 

الحكومة نفت وجود أي زيادة في أسعار السلع الغذائية الأساسية بسبب ارتفاع سعر البنزين.

 

ايه هي الحاجات اللي بيأثر عليها ارتفاع سعر البنزين؟

 

التضخم:

الخبراء الماليين وضحوا ان الارتفاع ده مش هيأثر بشكل كبير على معدلات التضخم بسبب قلة الطلب على البنزين في الفترة الاخيرة بسبب جائحة الكورونا.

 

أسعار السلع الغذائية:

الحكومة نفت وجود أي زيادة في أسعار السلع الغذائية الأساسية بسبب ارتفاع سعر البنزين.

 

اصحاب العربيات: 

طبعاً هما اكتر ناس متأثرين ومتضررين بزيادة سعر البنزين لأنه بيأثر بشكل مباشر على ميزانيتهم وشغلهم.

 

ركاب المواصلات:

لغاية دلوقتى محصلش أي تغيير أو زيادة في أسعار المواصلات الحكومية ولا في أي أنباء عن تأثير الزيادة دي عليهم، وده لأن معظمهم دلوقتي بيشتغل بالغاز الطبيعي.