ارتفاع اسعار الحديد ومواد البناء في شهر مايو 2021

الفترة اللي فاتت خام الحديد اسعاره كانت بتزيد بشكل تدريجي، وده أثر على مصانع الحديد في السوق اللي زودت اسعارها بحوالي ألف جنيه، وبكده وصل أقل سعر لطن الحديد بين 14,050 و 14,500 جنيه مصري تسليم ارض المصنع، وده أكيد أثر كمان على اسعار الاسمنت وباقي مواد البناء.

اسباب ارتفاع سعر الحديد:

رغم أن الطلب على الحديد ومواد البناء مش كتير في مصر، المره دي السبب جاي من بره، الموضوع بدأ لما الصين قللت حجم إنتاجها عشان تقلل من التلوث البيئي وزودت الطلب على الحديد من بره، وكمان مصانع كتير على مستوى العالم قللت من إنتاجها بسبب الإجراءات الاحترازية لفيروس كورونا.

ده غير زيادة معدلات التضخم العالمية اللي أثرت على أسعار السلع كلها في البورصة اللي من ضمنهم خام الحديد.

من المتوقع زيادة الطلب على مواد البناء في الفترة الجاية بسبب طرح شروط البناء الجديدة.

ودي الأسعار الجديدة للحديد والأسمنت حسب تعاملات مايو 2021 

• سعر طن حديد عز 14,600- تسليم أرض المصنع حيث من المتوقع أن تزيد التكلفة بنحو 300 جنيه للطن إلى أن تصل للمستهلك.
• سعر طن حديد بشاى 14,500 جنيه للطن.
• سعر طن حديد المصريين 14,500 جنيها للطن.
• سعر طن حديد العشرى 14,300 جنيه للطن.
• سعر طن حديد المراكبي 14,300 جنيه للطن.

أسعار الأسمنت في السوق المحلية خلال تعاملات اليوم الخميس 20 مايو 2021:

• سعر طن أسمنت لافارج 980 جنيهًا.
• سعر طن أسمنت السويدي 910 جنيهات.
• سعر طن أسمنت السويس 900 جنيه.
• سعر طن أسمنت مصر بني سويف 890 جنيها.

ومن المتوقع زيادة الطلب على مواد البناء في الفترة الجاية بسبب طرح شروط البناء الجديدة في عدد من المدن وده هيخلي مستثمري العقارات برجعوا لنشاطهم تاني بعد توقفهم لشهور.