ارتفاع سعر البيتكوين اليوم 27 أبريل!
تاريخ النشر: 27 أبريل 2021 عالم المال
اعرف أخر أخبار البيتكوين
عودة ارتفاع سعر البيتكوين/ Bitcoin العملة الرقمية الأشهر اليوم الثلاثاء 27 أبريل 2021 أمام الجنيه المصري، بعد ما انخفض جامد الأيام اللي فاتت، ووصل لـ 857,658 جنيه، و55,081 دولار أمريكي.
إيه هو البيتكوين؟
Bitcoin هو أشهر عملة رقمية/ cryptocurrency، اخترع سنة 2008 على إيد مجموعة من الناس بيستخدموا اسم ساتوشي ناكاموتو، وبدأ استخدام العملة رسمية سنة 2009.
أما الـ Cryptocurrency فهي أي عملة أو فلوس بيتم إدارتها أو تخزينها أو تبادلها علي الكمبيوتر بطريقة رقمية، من خلال الإنترنت، والعملات الرقمية دي أو الافتراضية مش بتتبع أي بنك مركزي.
لو عايز تعرف أكتر عن العملات الافتراضية ممكن تقرأ هنا، يعني إيه عملة مشفرة (Cryptocurrency)؟
البنك المركزي المصري أصدر قانون بيمنع التعامل بالعملات المشفرة أو إصدارها أو الإتجار فيها أو الترويج ليها
منافسة البيتكوين:
سنة 2013 تم اختراع عملة الدوجكوين/ Dog coin كنوع من السخرية من البيتكوين على إيد مهندسي البرمجيات بيلي ماركوس وجاكسون بالمر، واعتبرت وقتها البديل الكوميدي للـ Bitcoin. لكن فجأة في فبراير 2021 بدأت تصعد وارتفعت قيمتها 50% بعد ما كانت عديمة القيمة وبـ تتوزع على المنصات ببلاش، ويرجع الارتفاع ده لـ تويت كتبه إيلون ماسك، الرئيس التنفيذي لشركة تيسلا، على التويتر للترحيب بالعملة الجديدة، وبقي قدام الدوج كوين فرصة لمنافسة العملات الرقمية المشهورة.
البنك المركزي والعملات المشفرة:
وكان البنك المركزي المصري أصدر قانون بيمنع التعامل بالعملات المشفرة أو إصدارها أو الإتجار فيها أو الترويج ليها أو تنفيذ أي أنشطة متعلقة بيها داخل السوق المصري بسبب خطورتها، وحدد غرامات على التعامل بيها بتوصل لـ 10 مليون جنيه، واحتمال يكون ده سبب تذبذب سعرها الفترة دي أمام الجنيه المصري.
