اعرف آخر موعد لشراء شهادة 25% من بنك مصر والأهلي المصري

البنك الأهلي المصري وبنك مصر طرحوا، امبارح الأربعاء 4 يناير 2023، شهادة ادخار جديدة بفائدة تصل إلى 25% كعائد سنوي في نهاية المدة ولمدة سنة واحدة بس غير قابلة للتجديد.

وكمان أتاحوا شهادة بعائد شهري يصل إلى 22.5% لمدة سنة واحدة بس غير قابلة للتجديد.

الشهادة هتفضل متاحة لغاية امتى في البنكين؟

من أكتر الأسئلة اللي بتتسأل دلوقتي على السوشيال ميديا وعلى جوجل وداخل فروع بنك مصر والبنك الأهلي المصري: يا ترى الشهادة دي هتفضل متاحة في البنوك لغاية امتى؟

فايدتي هتجاوبلك على السؤال دا وتقولك التصريحات الرسمية.

اعرف كمان: حساب جاري بحد أدنى 500 جنيه: اعرف اقل 10 بنوك في الحد الأدنى

شهادة الـ 25% هتستمر لامتى في البنوك؟

خلي بالك إن شهادة استثمار الـ 25% موجودة فقط في بنك مصر والبنك الأهلي المصري دونًا عن باقي البنوك المصرية، وعليها إقبال كبير في الشراء.

وبنأكدلك إن فائدة الشهادة الجديدة هي 25% تصرف بنهاية المدة أو 22.5% تصرف شهريًا، ومتاحة في البنك الأهلي المصري وبنك مصر من امبارح الأربعاء.

كمان تقدر تشتري الشهادة دي عن طريق الموبايل أبلكيشن الخاص بالبنك.

رئيس بنك مصر قال ايه؟

رئيس بنك مصر، محمد الإتربي، قال إن شهادات الادخار اللي العائد بتاعها 25% هتكون متاحة لعدة أسابيع بس ولن تصل مدة طرحها لنفس مدة طرح شهادات الـ 18% اللي تم طرحها في البنوك لمدة 3 شهور.

وأكد رئيس بنك مصر في تصريحات تليفزيونية إن في إقبال كبير جدًا من العملاء على شراء الشهادة الجديدة من مصادر متنوعة يا إما من خلال اللي معاهم عملات أجنبية أو اللي عاوز يستثمر فلوسه

كمان أكد الإتربي إن ارتفاع سعر صرف الدولار مش هيستمر لوقت طويل، ودي التصريحات الرسمية من رئيس بنك مصر اللي فايدتي بتنقلهالك

قرار البنك المركزي المصري برفع سعر الفائدة 3%

لو ماتعرفش خلينا نقولك إن الفترة الأخيرة لجنة السياسة النقدية للبنك المركزي المصري قررت في اجتماعها الموافقة على رفع سعري عائد الإيداع الإقراض لليلة واحدة وسعر العملية الرئيسية للبنك المركزي بواقع 300 نقطة أساس.

ووصل إلى 16.25٪، 17.25٪ و16.75٪، على الترتيب، وكمان تم رفع سعر الائتمان والخصم بواقع 300 نقطة أساس ليصل إلى 16.75٪.

اعرف أكتر عن المنتجات البنكية وقدم من خلال فايدتي

وفر وقتك وفلوسك وخلينا نساعدك تفهم معاملاتك البنكية والتأمينية، قدم على القروض وبطاقات الائتمان ومنتجات التأمين بسهولة!