ايه هو الدفع الإلكتروني في مصر، وازاي تقدر تستفيد منه؟

الدولة الفترة دي بتزود جهودها عشان نوصل اننا نكون مجتمع "لانقدي" وده معناه اننا نبقى بنعتمد أكتر على طرق الدفع الإلكتروني ونقلل استخدام الفلوس الكاش، وده هيساعد كتير في الشمول المالي و هيخلي الخدمات البنكية والمصرفية توصل لكل الناس وماتبقاش بس مقتصرة على المدن أو الحضر بالعكس الخدمات دي هتوصل كمان الأرياف والمناطق النائية، كمان الدفع الالكتروني هيساهم بشكل كبير في الوقاية من فيروس كورونا المستجد لأنه بيقلل نقل الفلوس والعدوى من ايد لايد.  

ومن ضمن جهود الدولة هي أن البنك المركزي أعلن أنه هيتحمل تكلفة 100 ألف ماكينة دفع الكتروني POS وهيتم توزيعها على المحافظات.

ده غير حملة الدولة لتقليل استخدام الكاش "باي باي نقدية " واللي بيتحاول تنشرها على شكل إعلانات لتشجيع الناس على الاتجاه للدفع الإلكتروني.

طبعاً كل ده عشان يسهل عليك حاجات كتير جداً زي:

-انك ماتحتاجش تنزل من البيت لو عاوز تحول فلوس لأي حد

-مش لازم يكون معاك فكه طول الوقت أو تضطر تاخد بالباقي لبان

-تقدر تحجز تذاكر السينما أو الحفلات من غير ماتتحرك من البيت

ومن ضمن جهود الدولة هي أن البنك المركزي أعلن أنه هيتحمل تكلفة 100 ألف ماكينة دفع الكتروني POS وهيتم توزيعها على المحافظات

ايه هي وسائل الدفع الالكتروني ؟

-بطاقات المدفوعة مسبقاً

ودي هي البطاقات المرتبطة بحسابك البنكي أو اللي بتقبض بيها مرتبك كل شهر، أو بطاقة الائتمان ال credit card اللي عن طريقها بتستلف مبلغ صغير من البنك، وتقدر تدفع بيها في أي مكان عنده ماكينة دفع الكتروني POS

-المحافظ الإلكترونية

ودي أسهل كمان من البطاقات وتقدر تفتحها عن طريق البنوك أو شركات الموبايل وبتقدر من خلالها تدفع أو تحول فلوس بسهولة جداً.