اعرف ايه هو معدل البطالة وتأثيره على على ميزانية الدولة | فايدتي

اعرف ايه هو معدل البطالة وتأثيره على على ميزانية الدولة

تاريخ النشر: في عالم المال

اعرف ايه هو معدل البطالة وتأثيره على على ميزانية الدولة

ازاي البطالة بتأثر على الدولة بالسلب؟

لما نسبة البطالة بتزيد، ده معناه إن السوق حركته بتقل والاقتصاد بينكمش، مش بس كدة، ده بيأثر على ميزانية الدولة كمان.

 

البطالة بتأثر على الناتج المحلي الإجمالي

 

الناتج المحلي الإجمالي بيشير لحركة السوق والعرض والطلب في أي بلد، لما نسبة البطالة بتزيد والإنتاج بيقل، ده معناه إنخفاض في الصرف، وده بيأدي لإنكماش السوق، وبالتالي بيأثر على الناتج المحلي الإجمالي، واللي بيعتبر طريقة أساسية لقياس قابلية الاستثمار في أي بلد وده ممكن يأدي لخسارة استثمارات مستقبلية بسبب انكماش السوق.

 

من الطبيعي إن الاقتصاد المستقر بيبقى فيه نسبة بطالة من 3-4% وده معناه إن في حركة في السوق والناس بتبدل وظايفها أو في شركات جديدة بتفتح

 

البطالة بتعمل عبء على موارد الدولة

 

عدم وجود وظايف كافية معناه إن الناس مش هيبقى عندها فلوس تصرف، وده معناه إنهم هيتجهوا للدولة عشان توفر لهم قوت يومي في صورة دعم نقدي، ولو كترت المطالبات بدعم نقدي، فده معناه زيادة الصرف من ميزانية الدولة، والمصروفات دي كان ممكن تتوجه لمشاريع تانية.

 

معدل البطالة في مصر

 

في آخر 10 سنين، معدل البطالة كان في حالة إنخفاض، ووصل في آخر 2019 7.5% على حسب الجهاز المركزي للتعبئة والاحصاء، والمفروض إن المعدل الطبيعي للتضخم بيبقى تحت 10% وإن المعدلات الكويسة أوي بتبقى تحت 6%، ومن الطبيعي إن الاقتصاد المستقر بيبقى فيه نسبة بطالة من 3-4% وده معناه إن في حركة في السوق والناس بتبدل وظايفها أو في شركات جديدة بتفتح، ولكن لو المعدل إنخفض أوي، فده مش حاجة كويسة لإنه بيدل على تشبع السوق وقلة الناس القادرين على الشغل.