البنك المركزي يرفع حدود السحب من محافظ الموبايلات | فايدتي

البنك المركزي يرفع حدود السحب من محافظ الموبايلات

تاريخ النشر: في عالم المال

البنك المركزي يرفع حدود السحب من محافظ الموبايلات

السحب من الـ E-wallet وصل لـ 30 ألف

قرار جديد من البنك المركزي المصري عن قواعد خدمات الدفع باستخدام محفظة الموبايل /E-wallet، رفع فيها حدود السحب من المحفظة لـ 30 ألف جنيه كحد أقصى يومياً للسحب والتحويل، وأي عمليات خصم عن طريق الموبايل للأشخاص الطبيعيين، ومبلغ 100 ألف جنيه شهريًا.

 

لو عايز تعرف أكتر عن محفظة الموبايل ممكن تقرأ هنا، يعني إيه E-wallet/ محفظة الإلكترونية ؟

 

الأشخاص الاعتباريين:

 

أما بالنسبة للأشخاص الاعتباريين، فحدد لهم ضوابط مختلفة، هي:

 

  • أصحاب الفئـة (أ) مـن الأشـخاص الاعتباريين ليهم 40 ألف جنيه كحد أقصى يومياً للسحب والتحويل، ومبلغ 200 ألف جنيه شهريًا
  • أصحاب الفئـة (ب) مـن الأشـخاص الاعتباريين، ليهم نفس الحد المخصص للأشخاص الطبيعيين

 

مين هما الأشخاص الاعتباريين؟

 

  • الفئة (أ) هي الشركات والمنشآت متناهية الصغر اللي عندها مستندات أو مقر رسمي، أو بيتم التحقق من نشاطها بأي طريقة تانية، وفتحوا حسـاب للموبايل مع بنك أو أي حد بيقدم الخدمة وتابع ليه.
  • الفئة (ب) هي الشركات والمنشآت متناهية الصغر أو أصحـاب المهـن الحـرة و أصحـاب الحـرف اللي ماعندهمش مستندات أو مقر أو تم التحقق من نشاطهم بأي طريقة، وبيجي أسمهم تحت مسمى "نشاط اقتصادي"

 

وتلـزم الضوابط البنوك بوضع حـدود قصوى مناسبة لرصيـد حسـاب الموبايل الخـاص بعملائهم لتقييم المخاطر المرتبطة بغسيل الأموال وتمويل الإرهاب وبأي مخاطـر تانية متعلقـة الخدمـة وبمسـتخدم النظـام، وأن محافظ البنك المركزي المصري يقدر يعدل الحدود القصوى دي. وبيستثني من الحدود دي مستخدمين النظام اللي خضعوا لإجراءات التعرف والتحقق من هويتهم بـ ابلكيشن "اعرف عميلك" / " Know your customer" الخاصة بالبنوك الصادر من وحدة مكافحة غسيل الأمـوال و تمويل الإرهاب في مـارس 2020.