الخدمات البنكية عن طريق الإنترنت
تاريخ النشر: 17 سبتمبر 2020 عالم المال
تقدر تعمل ايه في حسابك البنكي من غير ما تروح البنك؟
مرواح البنك مش شرط يكون ألطف حاجة لإنه عادة بيبقى لازم تعمله أثناء يوم الشغل خصوصاً خلال أزمة فيروس كورونا الجديد اللي مخلي ساعات العمل قصيرة ولازم الواحد يراعي المسافات لو نزل الشارع، وده معناه استإذان من الشغل، ومعاركة زحمة الشوارع، ده غير الإنتظار في البنك، وعشان كدة الخدمات البنكية أونلاين بقت أفضل طريقة لقضاء احتياجاتك البنكية من غير ما تنزل من المكتب أو البيت، وحالياً أغلب البنوك بتقدم الخدمات دي، وأفضل حاجة إن الخدمات دي متاحة 24 ساعة في اليوم، وبكدة تقدر تعمل اللي أنت عايزه وقت ما أنت تحدد.
الخدمات المتاحة:
- الإطلاع على أرصدة حساباتك.
- الإطلاع على المعاملات على حسابك بشكل فوري.
- الإطلاع على أرصدة ومعاملات الكريدت كارد.
- عمل تحويلات ما بين حساباتك الشخصية.
عادة بتحتاج إنك تسجل في الخدمة عن طريق إدخال رقم كارت الخصم المباشر ومعلومات تانية في التطبيق أو الموقع الخاص بالخدمات البنكية أونلاين للبنك
- عمل تحويلات لحسابات تانية في البنك.
- عمل تحويلات لحسابات في بنوك تانية.
- الوصول لخدمة العملاء بشكل أسهل.
عمل طلبات مختلفة زي:
1. إصدار دفتر شيكات.
2. إلغاء كارت ضايع أو مسروق.
3. تحديث البيانات البنكية.
إزاي تبتدي تستخدم الخدمات البنكية أونلاين؟
عادة بتحتاج إنك تسجل في الخدمة عن طريق إدخال رقم كارت الخصم المباشر ومعلومات تانية في التطبيق أو الموقع الخاص بالخدمات البنكية أونلاين للبنك بتاعك، وبعد كدة بيبعتولك تأكيد على الموبايل اللي متسجل في البنك، وبتحتاج تعمل username وكلمة سر عشان تعرف تدخل على الخدمة على طول بعد كدة.
