الدوجكوين/Dog coin بتتفوق على البيتكوين!

تاريخ النشر: في عالم المال

الدوجكوين/Dog coin بتتفوق على البيتكوين!

العملات الرقمية، الهزار قلب جد!

الـ دوجكوين احتلت المرتبة السادسة بين أفضل 10 عملات مشفرة/ Cryptocurrency، بحسب موقع كوين ماركت كاب المتخصص في تحليل النوع ده من العملات. ووصلت قيمتها السوقية لحوالي 40 مليار دولار، من أصل 2 تريليون دولار، القيمة السوقية لـ 9.267 عملة مشفرة موجودة في العالم.

وحققت العملة نموا وصل لحوالي بـ 310.93 % خلال آخر أسبوع، وبلغت قيمة الوحدة منها حوالي 30 سنت، بعدما كانت متتعداش سنت واحد لغاية قريب.

لو عايز تعرف أكتر عن الـ Cryptocurrency ممكن تقرأ هنا، يعني إيه عملة مشفرة (Cryptocurrency)؟

 

عن الـ دوجكوين:

 

العملة أنشأها مهندسي البرمجيات بيلي ماركوس وجاكسون بالمر سنة 2013 كنوع من السخرية من العملات الرقمية، واعتبرها الكل وقتها "البديل الكوميدي" لعملة الـ بيتكوين/Bitcoin.

وفي فبراير اللي فات، بدأت العملة تصعد، بعد تويت كتبه إيلون ماسك، الرئيس التنفيذي لشركة تيسلا، على التويتر للترحيب بالعملة الجديدة، وده اتسبب وقتها في ارتفعت العملة بقيمة 50%، بعد ما كانت عديمة القيمة وبـ تتوزع على المنصات ببلاش.

 

 

البنك المركزي أصدر قانون بيمنع التعامل بالعملات المشفرة أو إصدارها أو الإتجار فيها

 

 

ليه الـ دوجكوين صعد فجأة؟

 

خبراء الاقتصاد بيأكدوا أن سبب صعود كل العملات الرقمية بيرجع لطرح بورصة العملات الافتراضية شركة كوينباس للاكتتاب العام في بورصة ناسداك بالولايات المتحدة الأربعاء اللي فات، 14 أبريل 2021، والحركة دي طمنت المستثمرين ووصلت العملات الرقمية  لـ 100 مليار دولار في فترة قصيرة.

 

البنك المركزي و البيتكوين:

 

وكان البنك المركزي أصدر قانون بيمنع التعامل بالعملات المشفرة أو إصدارها أو الإتجار فيها أو الترويج ليها أو تنفيذ أي أنشطة متعلقة بيها داخل السوق المصري، وحدد غرامات على التعامل بيها بتوصل لـ 10 مليون جنيه.

اعرف أكتر عن القانون من هنا، البنك المركزي وقف التعامل بالبيتكوين والعقوبة 10 مليون!