faydety-logo-text

العادات الاستهلاكية في رمضان

تاريخ النشر: 28 يوليو 2020

عالم المال

العادات الاستهلاكية في رمضان

أهم العادات الاستهلاكية للمصريين في شهر رمضان.

رمضان بيستمر لمدة شهر تقريبًا وأثناء الشهر بيبقى في تغييرات كتيرة في طريقة المعيشة للمسلمين في العالم وخصوصاَ الشرق الأوسط، ومن الحاجات دي قصر يوم الشغل، ده غير الصيام والتجمعات العائلية، وعشان كدة الدراسات لقت إن بيبقى في تغيير كبير في العادات والطرق الاستهلاكية للأفراد أثناء شهر رمضان.

 

1. ازدياد الصرف

 

أغلب الدراسات لقت إن في شهر رمضان بيبقى في إزدياد في المصروفات خصوصاً على الأكل، وده غالباً بيبقى بسبب العزايم اللي الناس بتعملها في رمضان، ده غير التصدق بالأكل لغير القادرين.

 

2. استخدام التكنولوجيا بيزيد

 

مواقع البحث لقت إن أثناء رمضان، الناس بتقضي وقت أكبر على مواقع التواصل الاجتماعي، وده ممكن يكون بسبب الرغبة في التواصل مع الأصدقاء والعائلة، أو لتقضية الوقت، أو بسبب الزهق، وده بيأدي لتدافع من قبل الشركات على الإعلانات أثناء شهر رمضان عشان يضمنوا الوصول للمستهلكين.

 

أغلب الدراسات لقت إن في شهر رمضان بيبقى في إزدياد في المصروفات خصوصاً على الأكل،

 

3. المسافات بتفرق

 

المستهلك في شهر رمضان بيبقى عايز الحاجة القريبة منه، وده ممكن يكون بسبب قصر اليوم عامة، فبيحس إن ما عندوش وقت يضيعه في مشاوير بعيدة، وممكن برضو يكون بسبب قلة الجهد بسبب الصيام، ولكن في أي حال، المستهلك هيفضل محل أو مطعم قريب منه.

 

4. الحاجة الكويسة بتعلق

 

مواقع البحث لقت إن المستهلك لما بيلاقي حاجة عجبته، بيرجع لها تاني أكتر من مرة، وعشان كدة رمضان هو الوقت المثالي، خصوصاً لشركات الأكل، إنها تنمي رقعة المستهلكين بتاعتها عن طريق تحسين الخدمة، خاصة إن التزكيات للأماكن الكويسة بتزيد في رمضان.

 

5. التسوق بيزيد في رمضان

 

غير الأكل، التسوق عامة حتى لشراء اللبس أو أي مستلزمات بيزيد في رمضان، ولقوا إن تنزيل تطبيقات التسوق بيزيد جامد أثناء رمضان، وده ممكن برضوا يكون لتمضية الوقت، والتغلب على الزهق.

اختيار المحررين

faydety logo text
google
apple
linkedin
instagram
youtube
twitter
facebook

منتجات بنكية

قروض شخصية

قروض سيارات

قروض منازل

تمويل المشاريع الصغيرة

بطاقات ائتمان

شهادات و ودائع