ايه سبب ارتفاع الدولار في مصر؟

البنك المركزي المصري رفع أسعار الفائدة 1%، الاتنين 21 مارس 2022، وكمان بنك مصر والبنك الأهلي المصري طرحوا شهادات استثمار بعائد 18% لمدة سنة لكن ايه سبب ارتفاع الدولار في مصر وكل الحاجات الاقتصادية اللي حصلت في فترة قليلة دي؟ دا اللي هتعرفه دلوقتي.

سبب ارتفاع الدولار في مصر

ليه سعر الدولار بيزيد أصلًا؟

ببساطة كدا الدولار زيه زي أي سلعة لما كميتها المتاحة بتقل سعرها بيزيد "عرض وطلب"، وعندنا في مصر في بعض الأوقات مصادر العملة الصعبة عندنا بتقل علشان أوقات الصادرات بتقل.

وسبب إن الصادرات بتقل الأزمات الاقتصادية سواء داخلية أو خارجية، زى الحرب التجارية بين الصين وأمريكا وأزمة كورونا والحرب الروسية الأوكرانية في الفترة الأخيرة.

كل ده بيخلى الكمية المتاحة من الدولار بتقل وطبيعى سعرها يزيد، وبكدا تكون عرفت سبب ارتفاع الدولار في مصر بس هنقولك على آراء خبراء الاقتصاد في مصر.

اعرف أسعار الذهب اليوم من هنا: سعر الذهب عيار 21 بكام النهارده 22 مارس 2022؟

الجنيه المصري وضعه ايه دلوقتي؟

الدولار النهاردة معدي الـ 18 جنيه في البنوك المصرية، وقرار البنك المركزي المصري ادى حرية للجنيه المصري بالانخفاض مقابل الدولار الأمريكي في محاولة من المركزي للسيطرة على حركة انسحاب الأموال الساخنة من السوق المصرية في ظل منافسة كبيرة في أسواق السندات بعد رفع "الفيدرالى الأمريكي" سعر الفائدة، واللي من المتوقع أن تتم رفعها أكثر من مرة خلال السنة دي 2022.

سعر الدولار اليوم؟ اعرف أكتر من هنا: سعر الدولار اليوم الثلاثاء 22 مارس في البنوك المصرية

الصراع الروسي الأوكراني أثر على الاقتصاد العالمي 

جذب انتباه المستثمرين

حسب رأي الخبراء فاللي حصل دا هيجذب بشكل ما نوعية من المستثمرين الأجانب وخاصة العرب للدخول للسوق المصري بعد ما اتعرضوا خلال الفترة اللي فاتت لحالة من عدم الأمان في الاستمرار في الأسواق الأجنبية.

وطبعًا الصراع الروسي الأوكراني أثر على الاقتصاد العالمي خاصة بعد حظر أموال المستثمريين الروس داخل أوروبا مما يجعل من الاستثمار العربي في أوروبا غير آمن.

السيطرة على التضخم قدر الإمكان

قرار البنك المركزي دا وكمان سبب ارتفاع الدولار في مصر قدام الجنيه كان نتيجة طبيعية لامتصاص جزء من التضخم الموجود حاليًا في السوق المصرية، واللي بيعتبر جزء أساسي منها تضخم ناتج عن ارتفاع أسعار المواد الخام وليس تضخم ناتج عن ارتفاع في القوة الشرائية، وارتفاع منحنى الطلب عن منحنى العرض.

اعرف أكتر يعني ايه تضخم من هنا: يعني إيه تضخم، وإيه هي أنواعه؟

زيادات تانية متوقعة

حسب رأي الخبراء فمن المتوقع إن هيكون في زيادات تانية من البنك المركزى المصري لأسعار الفائدة السنة دي 2022 وسط حسابات معقدة من إننا نروح لتضخم ركودي ودا اللي المستثمرين خايفين منه وهيتسبب في الحياة الاقتصادية عمومًا وكمان ارتفاع لمعدلات البطالة.