ايه هي فايدة وثيقة تأمين تعليم الأبناء وامتى بيتم صرفها؟

بتعاني من نفقات التعليم الكبيرة في ظل ارتفاع الأسعار وحالة التضخم الكبير اللي بيعيشها العالم دلوقتي؟ طيب ايه الحل اللي يسهل عليك أعباء الحياة خاصة لما بتكون بتفكر في مستقبل أولادك.

ناس كتير بتعاني من نفقات أبنائهم في التعليم طوال مراحل التعليم المختلفة وكمان الآباء بيكونوا شايلين هم الوفاة قبل استكمال تعليم الأبناء أو إصابة العائل بعجز كلي أو جزئي مستديم والوقت دا مش بيقدروا يشتغلوا طيب مين هيصرف على تعليم الأبناء؟

شركات التأمين بتلعب دور المنقذ

شركات التأمين بتظهر في دور المنقذ في الحالة دي لأنها بتقدم وثيقة اسمها "وثيقة تعليم الأبناء" واللي بيها بتساعد الآباء إنهم يقفوا على أرض صلبة لغاية أما أبنائهم يخلصوا تعليم ولو حصل حاجة الوثيقة دي بتساعد إن المسيرة تكمل.

بمناسبة كلامنا عن التأمين، اعرف أكتر عن تأمين السيارات من هنا: قارن بين أفضل عروض التأمين على السيارات

احصل دلوقتي علي أفضل نظام تأمين السيارات وأمن عربيتك

ايه هي وثيقة تعليم الأبناء؟

وثيقة تعليم الأبناء، هى ببساطة عبارة عن وثيقة لتغطية احتياجات الأبناء المالية المستقبلية لاستكمال دراستهم في حالة وفاة العائل أو إصابته بالعجز الكلي أو الجزئي المستديمين.

وفي الحالة دي شركة التأمين بتصرف مبلغ التأمين المتفق عليه مع العميل لصالح الابن اللي تصدر الوثيقة لصالحه.

مثال على وثيقة تعليم الأبناء

• يعني على سبيل المثال لو كان سن الأب 30 سنة وابنه 3 سنين.
• بيتم إصدار وثيقة تأمين الأبناء لصالح الابن مدتها بتكون 22 سنة.
• المدة دي بتكون لغاية أما بيوصل الابن لسن الـ 25 سنة.

امتى تقدر تصدر وثيقة تعليم الأبناء؟

وثيقة تعليم الأبناء يُمكنك إصدارها للطفل من سن سنة وحتى 22 سنة.

شروط الوثيقة

من حق أي شخص إنه يصدر الوثيقة لابنه بشرط إن سن الأب أو العائل من 20 سنه وحتى سن الستين.

وفي حالة وفاة الأب قبل بلوغ الطفل سنه الخامسة والعشرين، يتم صرف مبلغ التأمين كاملًا بالإضافة إلى أي دفعات شهرية بواقع %5 من مبلغ التأمين بداية من الشهر التالي لوفاة الأب، وحتى بلوغ الابن الخامسة والعشرين.

تعرف ايه عن التأمين ضد الحوادث الشخصية؟ اعرف دلوقتي من هنا: قارن بين أفضل عروض التأمين ضد الحوادث الشخصية

احصل على أفضل نظام تأمين للحوادث الشخصية وأمن نفسك

مثال على صرف مبلغ تأمين تعليم الأبناء

على سبيل المثال لو كان مبلغ التأمين 50 ألف جنيه، وتُوفى العائل وكان سن الاب 20 سنة فالابن في الحالة دي بيحصل على 2500 جنيه شهريًا لغاية أنا سنه بيوصل 25 سنة.

وخلي بالك إن الحد الأدنى لمبلغ تأمين وثيقة تأمين تعليم الأبناء بيكون 10 آلاف جنيه وبدون حد أقصى.

وثائق تغطي وفاة العائل فقط

• وكمان في وثائق لتعليم الأبناء بتغطى حالات وفاة العائل فقط.
• وفي الحالة دي لو لم يتوف العائل قبل بلوغ الطفل سن 25 لا يتم صرف مبلغ التأمين.
• لكن لو العميل عاوز يغطى حالات العجز الكلي والجزئي المستديمين هيدفع قسط إضافي.

ايه الأوراق اللي بتحتاجها لإصدار الوثيقة؟

• صورة البطاقة الشخصية للعائل.
• صورة شهادة ميلاد الطفل.
• صورة شخصية للطفل اللي عمره 3 سنين فأكتر.

ازاي بيتم صرف التعويض؟

• ولما بتيجي تصرف التعويض بيتم تقديم شهادة وفاة العائل أو تقرير بحالة العجز في حالة العجز الكلي والجزئى المستديمين.
• ولو كانت وفاة العائل بسبب حادث لازم يحضر الورثة رقم محضر الشرطة.
• في حالة فقد الوثيقة يتم عمل بدل فاقد لها بعد إبلاغ الشرطة.

أبرز الشركات اللي بتقدم النوع دا من التأمين

شركة مصر لتأمينات الحياة.

GIG جي اي جي.

Allianz  أليانز.

أفضل وثيقة من مكانك

كمان تقدر تتواصل مع فايدتي للوساطة في التأمين وهنقولك على أفضل وثيقة تأمين تعليم الأبناء ليك وهنسهل عليك كل الإجراءات وأنت في مكانك، كلمنا من هنا 

01003916623