بتجيب معلوماتك البنكية منين، البنك، صحابك، الانترنت؟

تاريخ النشر: في عالم المال

بتجيب معلوماتك البنكية منين، البنك، صحابك، الانترنت؟

لو عايز تأخد قرض هتروح البنك ولا هتفتح جوجل!

أي أن كان وضعك، مزنوق فى فلوس ومحتاج قرض أو عاوز تحوش شوية فلوس في شهادة، في كل الأحوال انت عايز منتج بنكي! السؤال المهم بتدور علي أحسن منتج ليك فين؟ في 3 طرق معروفة:

 

اسأل البنك!

 

للأسف الموضوع مش هيبقي بنك واحد لكن بنوك، لأن المنتج بيختلف من بنك للتاني، والأوراق المطلوبة كمان. والأكيد أن أي بنك هتروحه هيحاول يقنعك بالمنتج بتاعه.

 

تجربة الصحاب!

 

جملة "أسال مجرب ولا تسأل طبيب" دي تنساها خالص هنا، لأن اللي عنده تجربة إيجابية معندوش دليل أنها نافعة لكل الأشخاص، عشان مفيش أحسن منتج لكل الناس!

 

دور على النت!

 

مفيش معلومة دلوقتي مش موجودة علي الانترنت، لكن للأسف مش كل معلومات الانترنت صح أو كاملة، وهتضطر بعدها ترجع لواحدة من الطرق التانية.

 

سعر الفايدة بيتغير من بنك لبنك ومن منتج لمنتج في نفس البنك.

 

ألاقي المعلومة فين؟

 

احنا هنجيب لك المعلومة اللي محتاجها ونوصلك المنتج المناسب فعلا ليك، لأن Faydety.com أسم علي مسمي، بنحاول نوصلك لأكبر قدر من الفايدة، إذا كانت في البحث عن المنتجات أو في التقديم عليها كمان، لاننا بنقدملك:

  • مقارنة لأسعار الفايدة في البنوك المختلفة على القروض وبطاقات الائتمان
  • حاسبة قروض تدخل عليها بياناتك وتعرف أنسب قرض لدخلك
  • وحاسبة للحد الإئتماني عشان تلاقي الكريدت كارد اللي هيكفي احتياجاتك
  • المصاريف الإدارية علي القروض.
  • كل الأوراق المطلوبة منك للتقديم علي كريدت كارد، أو قرض شخصي، وقرض العربية.
  • وكل الاوراق المطلوبة لفتح شهادة استثمار، ده غير التسهيلات اللي البنك بيقدمها بضمان الشهادة دي.

 

نقط بتحتاج تعرفها قبل ماتقدم على المنتجات البنكية:

 

  • سعر الفايدة بيتغير من بنك لبنك ومن منتج لمنتج في نفس البنك.
  • في بنوك بتسمح بالقرض الشخصي من غير أي ضمانات وبنوك تانية بتحتاج منك تحويل مرتب عليها.

قارن وقدم علي القرض الشخصي علي موقع فايدتي دلوقتي من هنا.

 

  • قرض العربية دايما بضمان العربية ولازم تأمن عليها، وفي بنوك بتحدد لك شركة التأمين اللي تتعامل معاها وبنوك لأ.

استخدم حاسبة قروض العربيات علي موقعنا عشان تلاقي الأنسب ليك.

 

  • القروض ليها نوعين لسعر الفايدة، الثابت والمتناقص، الأتنين بيحددوا نفس السعر لكن بطريقة حساب مختلفة، بتتفق مع البنك على النوع الاحسن ليك من بداية القرض لأنه مش بيتغير طول المدة.
  • شهادات الاستثمار كمان ليها 3 أنواع لأسعار الفايدة، الثابت والمتغير والمتراكم، والشهادة بتنزل من الأول بنوع محدد ومدة محددة، لكن ممكن الفايدة تتغير فيها في حالة سعر الفايدة المتغير لو البنك المركزي قرر ده.

قارن ما بين شهادات الاستثمار المختلفة من هنا.

 

  • نفس مبلغ مرتبك يخليك تقدم على كريدت كارد باسعار مختلفة في كل بنك، ده غير أن مصاريفه الإدارية بتختلف علي حسب نوعه.

قدم على بطاقة الائتمان اللي محتاجها من هنا بعد ما تقارن بين البنوك.

 

  • القروض عليها مصاريف إدارية بتتخصم من مبلغ القرض، وبتختلف نسبتها من بنك لبنك، فبتحتاج تعرف من الأول إيه البنك اللي مصاريفه أقل.
  • الأوراق المطلوبة علي التقديم على القرض برضه بتختلف من بنك للتاني، واحيانا بيكون في أوراق خاصة بوظايف معينة، زي البطاقة ضريبية وكارنيه النقابة مثلا.
  • في غرامة تأخير سداد وكمان غرامة سداد مبكر على القروض، بتختلف نسبتها من بنك للتاني.