برج العاصمة الإدارية الجديدة الأعلى في أفريقيا: اتكلف كام؟

البرج الأيقوني في العاصمة الإدارية الجديدة من أشهر الأبراج اللي هتكون في مصر خلال الفترة الجاية، وحاليًا في مرحلة التنفيذ داخل المدينة، وهيكون أطول برج في أفريقيا، ومكانه تحديدًا في منطقة الأعمال المركزية.

تفتكر هيكلف كام ومين الشركة المسئولة عن بناءه ومكانه فين بالظبط كل المعلومات اللي بتدور عليها عن برج العاصمة الإدارية الجديدة هتلاقيها هنا، وتقدر تعرف كمان معلومات أكتر عن العاصمة.

معلومات عن برج العاصمة الإدارية الجديدة 

1. أعلى برج في قارة أفريقيا: 400 متر.
2. موجود في منطقة الأعمال المركزية بالعاصمة الإدارية الجديدة.
3. البرج متصمم على المستوى العالمي، وشركة "CSCEC" الصينية هي اللي بتنفذه ودي الشركة الأكبر في مجال الأبراج ناطحات السحاب على مستوى العالم كله.
4. البرج بيطل على كل الطرق الرئيسية والحديثة المركزية "كابيتال بارك"، وعلى مساحة 533,041 مترا مربعا.
5. استثمارات المشروع حوالي 3 مليار دولار.
6. حاليًا تم الوصول لـ 49 طابق من برج العاصمة الإدارية الجديدة وناقص لسه 30 طابق.
7. تم الانتهاء من بناء حوالي 245 متر من البرج، وبعد الانتهاء هيوصل لـ 400 متر تقريبًا
8. إجمالي مساحة المباني داخل البرج حوالي 1.709.330 متر مربع، ومتوزعة على 20 مبنى.

اعرف أكتر عن العاصمة الإدارية الجديدة من هنا: 15 معلومة عن العاصمة الادارية الجديدة: مساحتها قد سنغافورة
 

حي المال الأعمال في العاصمة الإدارية الجديدة

1. الحي موجود بين محورين محمد بن زايد الشمالي والجنوبي.
2. مساحته مليون و700 ألف متر مربع، بحجم استثمارات يصل إلى نحو 3.4 مليار دولار.
3. شركة "CSCEC" الصينية، هي المسؤولة عن تنفيذ مشروع الحي، وبتتولى التمويل المالي والتنفيذ.
4. الحي هيضم عدد من الخدمات والوحدات متعددة الأغراض، من تجارية وترفيهية وسكنية، وأبراج ومقرات للبنوك ومؤسسات مالية واستثمارية.
5. هيكون موجود في الحي أعلى ناطحة سحاب في أفريقيا، وارتفاعها 345 مترًا.
6. الحي هيضم مقر البنك المركزي ومطبعة لطباعة النقود، و12 مجمع تجاري و5 مباني سكنية وفندقين.