تشتغل كام ساعة علشان تشتري موبايل S22؟

شركة Samsungكشفت من أيام عن عيلة الهواتف الذكية الجديدة من الجيل الجديد S22 وهيكون S22 Ultra أول موبايل هجين S/Note، مع دعمه للقلم المدمج.

وبدأ بالفعل الحجز المسبق لسلسلة الهواتف الجديدة بما فيها Samsung Galaxy S22 Ultra.

مواصفات  Samsung Galaxy S22 Ultra

• شاشة من النوع  (Dynamic AMOLED 2X).
• مقاس الشاشة 6.8 بوصة، دقتها (1440×3200) بيكسل.
• الموبايل بيشتغل بنظام التشغيل أندرويد 12 مع واجهة (One UI 4).
• بكاميرا خلفية رباعية (108 و12 و10 و10) ميجابيكسل، وكاميرا أمامية "سيلفي"، 40 ميجابيكسل.
• بطارية قابلة للإزالة سعتها 5 آلاف مللي أمبير، وتدعم الشحن اللاسلكي.

في 3 إصدارات من Samsung Galaxy S22 Ultra:

• الإصدار الأول بذاكرة تخزين 128 جيجابايت، وذاكرة صلبة "رام" 12 جيجابايت.
• الإصدار التاني بذاكرة تخزين 512 جيجابايت، وذاكرة صلبة "رام" 12 جيجابايت.
• الإصدار التالت بذاكرة تخزين 512 جيجابايت، وذاكرة صلبة "رام" 16 جيجابايت.

اعرف أكتر عن Samsung Galaxy S22 Ultra من هنا

أسعار Samsung Galaxy S22 Ultra

• سلسلة هواتف S22  أسعارها أعلى من 100 دولار عن السلسلة اللي قبلها.
• تبدأ سلسلة Galaxy S22 بسعر 849 يورو حوالي 15100 جنيه مصري.
• سعر أعلى فئة 1249 يورو يعني حوالي 22200 جنيه مصر.

تشتغل قد ايه علشان تشتري Samsung Galaxy S22 Ultra؟

موقع moneysupermarket عمل تقرير عن عدد ساعات العمل اللي لازم تشتغلها عشان تشتري S22، وجت مصر في المركز الأول لأنك لازم تشتغل 137 يوم، سويسرا في المركز الأخير.

عدد الساعات اللي لازم تشتغلها علشان تقدر تشتري الموبايل

• مصر: 1059 ساعة يعني حوالي 137 يوم عمل عشان تشتريSamsung Galaxy S22 Ultra.
• أوكرانيا: 790 ساعة حوالي 99 يوم عمل.
• الفلبين: 737 ساعة حوالي 92 يوم عمل.
• اندونيسيا: 684 ساعة  حوالي 85 يوم عمل.
• المغرب: 614 ساعة يعني حوالي 77 ساعة عمل.
• كازاخستان: 581 ساعة يعني 72 ساعة عمل.
• الأردن: 354 ساعة حوالي 44 يوم عمل.
• تايلاند: 350 ساعة حوالي 44 يوم عمل.
• رومانيا: 304 ساعة حوالي 38 يوم عمل.
• إيطاليا: 119 ساعة حوالي 5 يوم عمل.
• ألمانيا: 75 ساعة  حوالي 9 أيام عمل. 
• الإمارات:74 ساعة حوالي 9 أيام عمل.
• أستراليا: 58 ساعة حوالي 7 أيام عمل.
• أمريكا: 48 ساعة حوالي 6 أيام عمل.
• سويسرا: 34 ساعة يعني محتاج 4 أيام عمل عشان تشتري Samsung Galaxy S22 Ultra.

محتاج كام شهر علشان تقدر تشتري Samsung Galaxy S22 Ultra؟

• طبعًا الحسبة دي بالتقريب باعتبار ساعات العمل في اليوم 8 ساعات وإن شهر العمل 22 يوم.
• فأنت كدا محتاج تشتغل أكتر من 6 أشهر علشان تقدر تشتري موبايل Samsung Galaxy S22 Ultra.