زيادة طفيفة فى أسعار البنزين في اخر شهر يوليو 2021

تاريخ النشر: في عالم المال

زيادة طفيفة فى أسعار البنزين في اخر شهر يوليو 2021

اعرف أسعار البنزين الجديدة!

قرار جديد من لجنة التسعير التلقائي للمنتجات البترولية بخصوص تغييرات في أسعار البنزين في آخر أيام عيد الأضحى المبارك 2021.

 

تفاصيل زيادة أسعار البنزين:

 

نشرت جريدة اليوم السابع خبر تغيير أسعار البنزين على حسب قرار لجنة التسعير التلقائي للمنتجات البترولية، وده نتيجة للاجتماع اللى اتعمل أول شهر يوليو 2021، وقررت اللجنة زيادة أسعار البنزين عشان نقدر نواجه التقلبات في أسعار صرف العملات الأجنبية واللي بتأثر على الجنيه المصري.


 

اعرف اخر اسعار العملات الاجنبية بالمقارنة مع الجنيه المصري على موقع فايدتي كل يوم، باستخدام محول العملات.


 

اسعار البنزين الجديدة:

 

  • وصل سعر بنزين 80 لـ 6.76 جنيه،  بدل من 6.50 جنيه


 

  • وصل سعر بنزين 92 لـ 8 جنيه، بدل من 7.75 جنيه


 

  • وصل سعر بنزين 95 لـ 9 جنيه، بدل من 8.75 جنيه


 

  • اتثبت سعر السولار عند 6.75 جنيه للتر


 

  • اتثبت سعر المازوت للقطاع الصناعي عند 3900 جنيه للطن

 


 

قررت اللجنة زيادة أسعار البنزين عشان نقدر نواجه التقلبات في أسعار صرف العملات الأجنبية واللي بتأثر على الجنيه المصري.

 

 

هل أثرت زيادة أسعار البنزين على البيع والشراء؟

 

حاجات كتير زادت أسعارها في الفترة اللى فاتت زي الحديد ومواد البناء، والسجاير، وأخر حاجة البنزين، والزيادة دي بتاثر على الاقتصاد، وعليك كـ مواطن بشكل مباشر وغير مباشر، وعلى حسب كلام المهندس إبراهيم محمود العربي، رئيس الاتحاد العام للغرفة التجارية، وضح أن قرار زيادة أسعار البنزين مأثرتش على أسعار السلع الغذائية ولا على وسائل النقل العام، لأن رفع أسعار المواد البترولية ضم زيادة أسعار البنزين بس، ومش بيشمل أسعار المازوت والسولار اللى بتستخدم في نقل البضايع والسلع الغذائية، وفي نفس الوقت، الغرف التجارية الموجودة في كل المحافظات بتابع كل التغييرات اللى ممكن تحصل في الأسواق زي ارتفاع الأسعار، وظروف العرض والطلب اللى بتتغير على حسب دخلك واحتياجاتك. 


 

لو لاحظت زيادة في سعر منتج أو خدمة معينة، ممكن تتواصل وتقدم شكوى على أرقام الخط الساخن للمحافظة (15496- 114)


 

لو عايز تعرف تفاصيل أكتر عن اسعار الحديد، أقرا هنا، ارتفاع أسعار الحديد ومواد البناء في شهر مايو 2021.