شروط "الأهلي المصري" للتمويل العقاري: حتى 80% من قيمة الوحدة

اخر اخبار التمويل العقاري وأفضل البنوك اللي بتغطي جزء كبير من قيمة الوحدة السكنية، والنهاردة هنقولك على تفاصيل التمويل العقاري في البنك الأهلي المصري واللي بتوصل فيه إلى 80% من قيمة الوحدة السكنية.

اعرف أكتر من فايدتي عن قروض التمويل العقاري من البنوك المختلفة المحلية في مبادرات البنك المركزي المصري والتسهيلات اللي بتتقدم في التمويل العقاري بأكتر من مبادرة.

اعرف طريقة حجز وحدات في التمويل العقاري من هنا: ازاي تحجز شقة بمبادرة التمويل العقاري في 5 دقايق؟

التمويل العقاري من البنك الأهلي المصري

التمويل في البنك الأهلي المصري بيصل إلى 80% من قيمة الوحدة السكنية ، وبيعتبر من البنوك الوطنية المميزة في التمويل العقاري في إطار مبادرات البنك المركزي المصري.

صندوق التمويل العقاري

البنك الأهلي المصري بيقدم فرص مميزة قدام المواطنين اللي عاوزين يحصلوا على وحدة سكنية ضمن مبادرة التمويل العقاري وكل دا في إطار برامج صندوق التمويل العقاري.

وهنقولك على الشروط والمواصفات اللي لازم تكون موجودة علشان تحصل على قرض التمويل العقاري وبيمولها صنوق التمويل العقاري المصري.

اعرف كمان: ليه في علاقة بين التأمين على المنزل والتمويل العقاري؟

شروط البنك الأهلي للتمويل العقاري

• يكون الدخل الشهري للمتقدم للحصول على التمويل وفقا للشروط المعلنة من قبل صندوق التمويل العقاري.
• عدم امتلاك المتقدم أي وحدة.
• ألا يقل عمر المتقدم للقرض عن 21 سنة ولا يتخطى الـ60 سنة في تاريخ انتهاء التمويل أو سن بلوغ المعاش للموظفين أيهما أقرب.

القرض للمصريين بس

• البنك الأهلي المصري أكد إن القرض الممنوح للمصريين فقط المقيمين داخل البلاد ولا تزيد مدة القرض عن 20 عام.
• وصندوق التمويل العقاري هو اللي بيحدد قيمة الوحدة وتصل قيمة الدفعة المقدمة  حوالي 20% من سعر الوحدة بحد أقصي 40% .
• وكمان قيمة التمويل  تصل حتى 80% من قيمة الوحدة.

ايه هي المستندات المطلوبة للحصول على قرض التمويل العقاري؟ 

أبرز المستندات والأوراق المطلوبة علشان تحصل على قرض التمويل العقاري حسب اللي أعلنه البنك الأهلي المصري، هي: 

• صورة بطاقة رقم قومي.
• شهادة قيد للذكور والإناث.
• إيصال مرافق حديث.
• مستندات إثبات دخل.