عارف يعني إيه تسطيح المنحنى؟ | فايدتي

عارف يعني إيه تسطيح المنحنى؟

تاريخ النشر: في عالم المال

عارف يعني إيه تسطيح المنحنى؟

ليه الدولة بتحاول تسطح منحنى الإصابة بفيروس كورونا؟

في الفترة الأخيرة وبسبب أزمة فيروس كورونا المستجد، كان في كلام كتير بخصوص تسطيح المنحنى أو flattening the curve بس هو ده معناه إيه؟

 

يعني إيه منحنى؟

 

المنحنى ده له دعوة بالرسم البياني للعينات اللي بتتاخد لأي مسح إحصائي، والمنحنى ده هو أكتر شكل متكرر في عالم الإحصائيات وبيسمى بمنحنى الجرس لإن شكله عامل زي الجرس القديم. في حالة منحنى الجرس بيبقى للعينات الإحصائية اللي متاخدة بتتوزع على شكل المنحنى بحيث أعلى قيمة بتبقى قمة المنحنى. 

 

تستطيح المنحنى بيضمن إن الحالات اللي محتاجة علاج هتلاقي مكان في المستشفيات.

 

إيه دخل موضوع المنحنى بأزمة فيروس كورونا المستجد؟

 

المنحنى في الحالة دي بيوضح عدد حالات الفيروس على مدار الوقت، وتستطيحه بيعني إن عدد الحالات مش بيعلى بشكل تصاعدي بحيث إنه يبقى المنحنى قمته عاملة زي الجبل، ولكن في حالة تسطيحه بيبقى عامل زي تل مسطح ممكن تمشي عليه، وده معناه إن عدد الحالات بيزيد براحة.

بسبب نسبة العدوى العالية في حالة فيروس كورونا المستجد، فالعلماء لقوا إن العدوى بتبتدي بأرقام بسيطة بحيث إن أول 1000 عدوى تقريباً بتاخد شهر، وبعد كدة معدل العدوى بيبقى تصاعدي لغاية ما توصل عدد الحالات في اليوم الواحد لتقريباً 1000 حالة جديدة، وساعتها بيكون إنتشار العدوى كبير جداً، ولازم الدولة تفرض حظر شامل وإلا المستشفيات مش هيبقى عندها أماكن كفاية لمعالجة كل الحالات دي. فتستطيح المنحنى بيضمن إن الحالات اللي محتاجة علاج هتلاقي مكان في المستشفيات.

 

إزاي بيتم تسطيح المنحنى؟

 

الموضوع بيعتمد على فكرة النسبية، يعني بيفترض إن لو الناس ابتدت تتحرك في كل حتة بدون حساب وبدون اجراءات وقائية، يبقى عدد الحالات هيزيد وهيضاعف، لإن كل فرد ممكن ينقل العدوى لعدد غير معروف من الناس في حالة عدم حد الحركة، ولكن لما بيتم فرض حظر تجول أو حظر شامل، فده بيقلل تحركات عدد كبير من الناس، وطبعاً تعاون الناس هو جزء أساسي من نجاح الموضوع، والهدف منه الوصول إلى إن الشخص الحامل للفيروس ما بيقدرش ينشر المرض لإنه مش بيتخالط مع ناس كتير، ولو نشره بيبقى لشخص أو 2، مش أعداد أكبر من كدة.