في 7 دقايق هتعمل توكيل وانت فى مكانك؟ سيارات الشهر العقارى
تاريخ النشر: 27 سبتمبر 2022 عالم المال
اعرف اكتر عن سيارات الشهر العقارى المتنقلة
كام مرة روحت مصلحة الشهر العقارى عشان توثق عقد او تعمل توكيل؟، وقفت فى كام طابور وخلصت فى وقت اد ايه؟
طب تعرف ان الشهر العقارى ممكن يجيلك لحد البيت، كمل المقال للاخر وفايدتى هتقولك ازاى.
فى نوفمبر 2021 أطلقت وزارة العدل بالتعاون مع مصلحة الشهر العقارى والتوثيق أول سيارة متنقلة لتقديم خدمات التوثيق للتسهيل على المواطنين وتقليل الزحام فى مكاتب الشهر العقارى، وكمان مجهزة بمكان لاستقبال المواطنين من ذوى الهمم.
اعرف أكتر عن مصلحة الشهر العقاري من هنا
ايه الخدمات اللى بيقدمهالك الشهر العقارى؟
- توكيل رسمي عام قضايا
- توكيل رسمي عام بنوك
- توكيل في الأمور الزوجية
- توكيل عام مخصص
- توكيل إدارة سيارة
- توكيل بيع سيارة
- عقد بيع سيارة
- إقرار بشطب دعوى
- إقرار تصحيح محرر موثق
- إقرار بقبول بيانات مساحية
- إقرار رسمي
سيارات الشهر العقارى المتنقلة موجودة فين ؟
دلوقتى فى 43 سيارة من سيارات الشهر العقارى المتنقلة موجودة فى كل محافظات مصر.
التواصل مع سيارات الشهر العقارى:
ممكن تتواصل مع سيارات الشهر العقارى المتنقلة بالاتصال على رقم 15999 او 01555559875
وتطلب ان السيارة تجيلك لحد البيت او المكتب بتكلفة 500 جنيه.
