ما هي موارد مصر الاقتصادية؟ السياحة!

اقتصاد مصر طالع ونازل زي باقي بلاد العالم بسبب الكورونا، وفي إحصائيات كتيرة عملوها عمالقة الاقتصاد في مصر في الفترة الأخيرة  أثبتت أن الاقتصاد هينمو بنسبة 2% في 2021 ومتوقع انه يزيد بنسبة 5.5% في 2022، والنتايج اللي وصلوا ليها بتأكد ان مصر بتعتبر هي الأقوى اقتصاديا بين دول الشرق الأوسط.

في 4 حاجات بتأثر على اقتصاد مصر وبتتسمى بـ موارد مصر الاقتصادية وهما:

1- السياحة

2- الموارد الطبيعية

3- الموارد البشرية

4- الموارد الجيوسياسية

وفي المقال ده هنبدأ بأهم مورد واللي بيأثر على اقتصاد مصر بشكل رئيسي، السياحة.

ايه هى أهم أنواع السياحة وازاي بتأثر على اقتصاد مصر؟

1- السياحة الداخلية:

النوع ده مش بس مفيد للاقتصاد لكن للثقافة العامة عن بلادنا وتاريخها، ومن أهم ميزاته أنه مش بيحتاج جواز سفر أو تأشيرة ولا حتى تغيير عملة، ده غير انك تقدر تتحكم في المدة رحلتك زي ما يناسب اجازتك، رحلة يوم واحد في الويك أند أو الرحلات الطويلة. 

وبالرغم من كورونا وتأثيرها السلبي على كل القطاعات،  فـ الحكومة قدرت تواجها وعملت كل الإجراءات اللازمة عشان تحافظ على اقتصادها، وكمان شجعت على السياحة وعملت خصومات للمصريين المقيمين زي انها خفضت أسعار تذاكر الطيران لمحافظات كتير زي شرم الشيخ والغردقة والأقصر ومرسى علم وعملت تخفيض 50% على التذاكر للمصريين في للمناطق السياحية في اجازة نص السنة اللي فاتت، وكمان وزارة الشباب والرياضة  بتشجع السياحة وبتطلع رحلات لمحافظات كتير وبأسعار رمزية للشباب.

وفي حالة انك عايز تسافر بس مش معاك كاش كفاية، في حل سريع وهو إنك تستخدم بطاقة الائتمان هتساعدك في حجز الطيران والإقامة وهيشيلك لو احتاجت أي حاجة وأنت مسافر.

قدم دلوقتي علي الكريدت كارد المناسب ليك مع فايدتي في دقايق وانت في مكانك.

 إحصائيات كتيرة عملوها عمالقة الاقتصاد في مصر في الفترة الأخيرة  أثبتت أن الاقتصاد هينمو بنسبة 2% في 2021

2- السياحة الدولية

ودي من أكبر مميزاتها ان السياح بيجوا مصر من دول مختلفة، ومع اختلاف العملات كمان  ده بيأثر على الاقتصاد لأن السياح بيبقى ليهم تسعيرة مختلفة عن المواطنين في الفنادق أو حتى الأماكن السياحية.

أنواع السياحة المختلفة في مصر:

مصر تعتبر من البلاد القليلة في العالم اللي فيها معظم الأنواع المختلفة من السياحة، وهي:

• سياحة الآثار، الفرعوني، والروماني
• السياحة الدينية، الإسلامية، والمسيحية واليهودية
• السياحة العلاجية
• السياحة البحرية على البحر المتوسط والأحمر
• زيارة المحميات الطبيعية والحيوانات البرية ومراقبة الطيور كمان
• السياحة الرياضية، تسلق جبال وسفاري والغطس والألعاب المائية المختلفة

طبعا صعب نتوقع المدة اللي هـ تتعوض فيها الخساير اللي حصلت في مجال السياحة في 2020 بس فيه مؤشرات ظهرت السنه دي بتوضح ان السياحة هيكون ليها دور قوي جدا في تطور الاقتصاد في مصر والدليل على كده ان في أول 3 شهور في 2021 مصر استقبلت حوالي 2 مليون سائح ووصلت ايرادات السياحة لـ 4 مليار دولار.