أمن عربيتك!
أمن عربيتك!
أمن عربيتك!

أمن على عربيتك في دقايق واحصل على ارخص تأمين في مصر بالقسط اللي يريحك من هنا!

faydety-logo-text

مبادرة التمويل العقاري بدأت فى البنوك يوليو 2021

تاريخ النشر: 13 يوليو 2021

عالم المال

مبادرة التمويل العقاري بدأت فى البنوك يوليو 2021

حضر أوراقك وقدم في أقرب بنك!

بدء العمل بمبادرة التمويل العقاري اللي أصدرها الرئيس عبد الفتاح السيسي فى مارس اللي فات عن طريق البنك المركزي تحت اسم "شقة بسعر الايجار"، المبادرة أفضل بكتير من اللي قبلها اللي بدأت في نوفمبر 2020 لأنها بتخفف العبء عن المواطن اللي محتاج شقة لكن فلوسها مش جاهزة . 

وكان البنك المركزي أطلق المبادرة بتسييرات تتضمن تخصيص 100 مليار جنيه من خلال البنوك أو شركات التمويل العقاري لتمويل شراء الوحدات السكانية لمحدودي الدخل. ودلوقتي البنوك و الشركات المتخصصة فى انتظار استقبال طلبات المويل بداية من اليوم 13 يولية 2021.

 

ايه الجديد في المبادرة دي عن اللي قبلها؟

 

  • سعر الفايدة 3% متناقصة، يعني تقريباً 1% ثابتة، بدل 8% في المبادرة القديمة.
  • هتقدر تسدد في مدة بتوصل لـ 30 سنة، بدل 20 سنة في الأولى.
  • مفيش مساحة محددة للوحدة اللي هتختارها (خاص بفئة متوسطي الدخل)

 

الشروط المطلوبة في المُتقدم:

 

  • الدخل الشهري لفئة محدودي الدخل لازم يكون 4,500 جنيه مصري أو أقل للفرد و 6,000 جنيه للأسرة (دخل الزوج + الزوجة).
  • الدخل الشهري لفئة متوسطي الدخل هو 10,000 جنيه مصري أو أقل للفرد و 14,000 جنيه للأسرة.
  • لازم المتقدم يكون أصغر من 75 سنة، بحيث يكون أخر قسط ليه قبل ما يتم الـ 75.
  • مش لازم تكون موظف، ممكن تكون صاحب عمل حر.
  • ماتكونش استفدت قبل كده بأي مبادرة تمويل عقاري.
  • الـ i-score بتاعك يكون مظبوط.
  • يكون معاك 20% من اجمالي تمن الوحدة السكنية اللي محتاجها.

 

البنك المركزي أطلق المبادرة بتسييرات تتضمن تخصيص 100 مليار جنيه من خلال البنوك أو شركات التمويل العقاري

 

الشروط المطلوبة في الشقة اللي هتختارها:

 

  • لو كنت من محدودي الدخل فـ عندك الامكانية تختار شقة سعرها في حدود 350,000 جنيه.
  • أما لو انت من متوسطي الدخل فـ تم رفع الحد الأقصى لسعر الوحدة عشان يبقى في حدود من 1.1 لـ 1.4 مليون جنيه.
  • ماينفعش تستغل المبادرة في تمويل السكن السياحي، زي المصايف مثلاً.
  • لازم الوحدة السكنية تكون مسجلة، ومفيش عليها مخالفات.
  • كمان لازم تكون متشطبة وجاهزة للمعيشة.
  • لو انت اللى هتبيع الشقة اتأكد ان كل أوراق التسجيل جاهزة ومفيش على وحدتك أي مخالفات.

 

الأوراق المطلوبة للتقديم:

 

لو موظف هتجيب:

 

  • صورة البطاقة
  • مفردات مرتب معتمدة من جهة العمل.
  • تعهد من جهة العمل بتحويل المرتب للبنك اللي هيمول الشقة.
  • كشف حساب بنكي لمدة 6 شهور.
  • لو متجوز جهز صورة قسيمة الجواز.
  • عقد تمليك أو ايجار المكان اللي ساكن فيه دلوقتي.

 

لو صاحب عمل حُر هتجيب:

 

  • صورة البطاقة
  • شهادة من محاسب قانوني تحدد الدخل السنوي أو الشهري.
  • البطاقة الضريبية و مستخرج السجل التجاري.
  • لو متجوز جهز صورة قسيمة الجواز.
  • عقد إيجار أو تمليك المكان اللي ساكن فيه دلوقتي.

اختيار المحررين

faydety logo text
google
apple
linkedin
instagram
youtube
twitter
facebook

منتجات بنكية

قروض شخصية

قروض سيارات

قروض منازل

تمويل المشاريع الصغيرة

بطاقات ائتمان

شهادات و ودائع