أمن ضد الحوادث!
أمن ضد الحوادث!
أمن ضد الحوادث!

أمن نفسك ضد الحوادث بأقل من 100 جنيه في السنة!

faydety-logo-text

مستقبل الخدمات الحكومية في مصر: منصة مصر الرقمية

تاريخ النشر: 19 أبريل 2021

عالم المال

مستقبل الخدمات الحكومية في مصر: منصة مصر الرقمية

اعرف أكتر عن خدمات مصر الرقمية

مشاوير الأوراق الحكومية بتاخد من وقتنا جزء كبير، وعشان كده بنأجلها على قد ما نقدر، ده غير أننا لازم ناخد اليوم اجازة من الشغل وننزل من بدري … الخ، وعشان الدولة يهمها وقتك ومجهودك قررت "رقمنة" الخدمات الحكومية، يعني كل الخدمات الحكومية في المستقبل هتبقى رقمية وتقدر تخلص أي ورق حكومي من الموبايل بدل الزحمة والمشاوير، وكبداية تم اطلاق التشغيل التجريبي لمنصة "مصر الرقمية" اللي تقدر من خلالها تنفذ خدمات في مجالات كتير زي:

 

خدمات مصر الرقمية 

 

التموين

 

هنا هيكون عندك الامكانية تخلص مشاويرك اللي ليها علاقة ببطاقة التموين زي: 

  • تقدر تفعل بطاقة التموين
  • تطلع بطاقة تموين جديدة
  • تعمل بدل فاقد أو تالف لبطاقة التموين
  • ممكن تعمل فصل اجتماعي
  • ضم أفراد الأسرة
  • نقل من محافظة للتانية

 

التوثيق

 

ودي كل خدمات التوثيق اللي بتقدمها المنصة:

  • تقدر تعمل استعلام عن سريان محرر مُميكن
  • تحرر توكيل عام قضايا
  • تحرر توكيل عام رسمي
  • تحرر توكيل رسمى شامل (بنوك أو عام)
  • تحرر توكيل في الأمور الزوجية
  • تحرر إقرار بالشطب
  • تحرر إقرار بعدم وجود تعديلات على البيانات المساحية
  • تحرر إقرار رسمي
  • تحرر إقرار تصحيح محرر موثق
  • تكتب محررك

 

مركباتي

 

المنصة كمان بتقدم خدمات توثيق العربيات زي:

  • تقدر تعمل تَظلُّم على مخالفات رخص العربية
  • تجدد رخصة العربية
  • تطلع بدل فاقد أو تالف لرخصة العربية
  • تسدد المخالفات
  • تعمل استعلام عن مخالفات رخصة العربية
  • تتأكد من صحة بيانات عربية
  • تحرر توثيق عقد بيع عربية
  • تحرر توكيل بيع عربية
  • تحرر توكيل إدارة عربية

 

رُخصي

 

وطبعاً زي ما المنصة بتريحك في أوراق العربية هتريحك في رُخص السواقة، وبتقدملك خدمات زي:

  • الاستعلام عن مخالفات رخص القيادة
  • تعمل تظلم على مخالفات رخص القيادة
  • تسدد مخالفات رخص القيادة
  • إصدار بدل تالف رخصة قيادة
  • إصدار بدل فاقد رخصة قيادة

 

كل الخدمات الحكومية في المستقبل هتبقى رقمية وتقدر تخلص أي ورق حكومي من الموبايل

 

السجل التجاري

 

وتقدر تستفيد بخدمات السجل التجاري عن طريق المنصة زي:

  • طلب مستخرج سجل تجاري
  • استعلام عن سجل تجاري
  • طلب تجديد سجل تجاري
  • طلب شهادة بيانات

 

الشهر العقاري

 

ودي الخدمات اللي بتوفرها عليك المنصة في أوراق الشهر العقاري:

  • استخراج صورة من عقد مُشهر
  • استخراج صورة من كتاب دوري
  • استخراج صورة من منشور مالي
  • استخراج صورة من منشور فني
  • استخراج شهادة تصرفات عقارية
  • ترجمة عقد مُشهر

 

الضرائب العقارية

 

وهنا هتقدر تخلص:

  • تقديم إقرار الوحدات السكنية

 

المحاكم

 

ودي الخدمات اللي بتقدمها المنصة من خدمات المحاكم:

  • إقامة دعوى مدنية
  • تسجيل محامى

 

ازاي اقدر استفيد بكل الخدمات دي؟

 

الموضوع سهل وبسيط جداً، كل اللي عليك انك تدخل على "سجل حساباً جديداً" وتدخل بياناتك وبيانات بطاقتك وتعمل لحسابك كلمة سر وبس كده!

اختيار المحررين

faydety logo text
google
apple
linkedin
instagram
youtube
twitter
facebook

منتجات بنكية

قروض شخصية

قروض سيارات

قروض منازل

تمويل المشاريع الصغيرة

بطاقات ائتمان

شهادات و ودائع