يعني إيه استثمار في الدهب؟

معاك قرشين عاوز تستثمرهم؟ اشتري دهب وشيله، دي الجملة اللي تقريباً كلنا بنسمعها لما حد يتكلم عن الاستثمار، ده غير أن على مر السنين الدهب كان دايماً من أشهر أشكال الاستثمار،  خصوصا أن كل الناس بتحب تشتريه كده كده من باب الاستمتاع بيه كاكسسوار.

انواع الاستثمار في الدهب 

1- شراء الدهب والسبايك الدهبية 

هو الاستثمار عن طريق انك تشتري الاكسسوارات الدهبية والاحتفاظ بيها لفترة وبعدين تبيعها، وده بيكون ليه شروط ، زي انك لو ناوي تشتري اكسسوارات متشتريش حاجه هيتخصم من تمنها مصنعية كتير، لأن المصنعية بتخصم اكتر من 10% من سعر الحاجة. كمان ممكن تستثمر في السبايك الدهبية، وده بيعتبر الحل الأفضل لو عايز تستثمر في الدهب لأنه وقت البيع المصنعية بتكون أقل بكتير، بتحافظ على سعرها اكتر من الاكسسوارات، بس المشكلة انك ممكن تحتار شوية هتشيلهم فين طول الفترة دي.

المصنعية بتخصم اكتر من 10% من سعر الاكسسوار الدهب

2- شهادات إيداع الدهب 

وده عبارة عن انك تمتلك شهادة بنفس قيمة الدهب الفعلية من غير ما تمتلكه وبتصدرها البنوك بفئات معينة، وطبعاً ليك الحق      

            في بيع وشراء الشهادة براحتك أو حتى انك  تبدل الشهادة بقيمتها المقابلة من الدهب، وده يعتبر أحسن من انك تشتري الدهب   

           نفسه عشان مش محتاج تشيل هم هتحتفظ بالحاجات دي فين.

نصايح قبل ما تبدأ فى الاستثمار:  

1. خلي بالك ان سعر البيع بيختلف عن سعر الشراء  
2. اتأكد ان الشركة اللي هتتعامل معاها كل تراخيصهم سليمة