يعني إيه (startup)وايه سبب انتشارها في الفترة الأخيرة؟

الكام سنة اللي فاتوا، تكررت كلمة startup في كذا حتة، وخصوصاً بعد انتشار شركات زي أوبر، واللي هي بتعتبر أنجح شركة ناشئة في العالم بسبب سرعة نموها من ساعة ما ابتدت في 2016، ودلوقتي ثقافة الـ startup انتشرت في كل حتة، وبقت بند أساسي من بنود الشركات التجارية.

إيه الصفة الأساسية للشركة الناشئة؟

الحقيقة إن مافيش تعريف واضح أو معايير معينة، وأغلب الوقت الشركات هي اللي بتطلق على نفسها اللقب بتاع startup ، بس الشركة الناشئة المفروض إنها بتبتدي عشان تقدم خدمة أو حل لمشكلة موجودة بطريقة جديدة، وغالباً بيحتل عامل التكنولوجيا جزء كبير من الحل، عشان كدة مش أي شركة لسة بادية تبقى startup، وفي نفس الوقت بيبقى مفيش ضمان لنجاح الشركة.

طبقاً لمجلة فوربس إن لقب startup ما ينفعش يتقال على شركة بقالها أكتر من 5 سنين في السوق، أو عندها مكاتب في أكتر من مدينة أو رأس المال بتاعها بقى أكتر من 20 مليون دولار.

كلمة startup جت منين؟

يُقال إن أول استخدام لكلمة startup بمعنى شركة ناشئة كان عن في مجلة فوربس في 1976، وقبل كدة كانت الكلمة بتستخدم كفعل معناه بدء حاجة جديدة بدفعة قوية.

طبقاً لمجلة فوربس إن لقب startup ما ينفعش يتقال على شركة بقالها أكتر من 5 سنين في السوق، أو عندها مكاتب في أكتر من مدينة أو رأس المال بتاعها بقى أكتر من 20 مليون دولار.

ليه الموضوع انتشر جامد في آخر كام سنة؟

• في ناس كتير زهقت من نمط الشغل العادي، وبقوا عايزين حاجة تكون فيها شوية اختلاف أو إبداع.

• انتشار الشركات الاستثمارية اللي بيدوروا على مشاريع جديدة يحطوا فلوسهم فيها، فحتى الشركات الناشئة اللي معندهاش رأس مال كبير، ممكن لو عندها فكرة جذابة تلاقي شركة تانية عايزة تستثمر في المشروع.

• انتشار مؤتمرات زي Rise up اللي بتشجع الناس على البدء في مشاريع جديدة، وبتعرفهم على مستثمرين، وأدوات ممكن تساعدهم على الاستمرار في مشاريعهم.

• قصص نجاح ممكن تتوصف بالإعجازية زي Airbnb اللي ابتدوا المشروع عشان كانوا مفلسين ومش قادرين يدفعوا إيجار شقتهم.