يعني ايه الكاش باك cash back .. وإيه هي أحدث عروضه؟

أعلنت مجموعة من البنوك على حساباتها الرسمية على فيسبوك عن خدمة جديدة من العروض اللي بتقدمها على البطاقات البنكية الذكية زي الكريدت كارد وهي خدمة عروض بطاقات الكاش باك cash back .

فلو أنت واحد من الناس اللي معاها بطاقات ذكية من الضروري إنك تقرأ المقال ده عشان تعرف أكثر عن خدمة عروض بطاقات الكاش باك  .. احنا هنعرفك عنها كل حاجة هنا في بلوج فايدتي. 

يعني إيه عروض الكاش باك cash back 

• عروض الكاش باك cash back هي عروض بتقدمها البنوك لعملائها اللي معاهم بطاقات ذكية بأشكالها المختلفة (ائتمانية - بطاقات الخصم المباشر - البطاقات مسبقة الدفع) ..
• وهي بتكون عبارة عن عملية استرجاع جزء من المبلغ المالي اللي دفعها العميل خلال عملية الشراء أو بعدها بفترة.
• البنوك اخترعت فكرة العروض دي عشان تروج لعمليات الشراء من خلال البطاقات و كمان عشان تقدر تزودها، و ده طبعا من خلال تشجيع العملاء على الشراء عن طريق انهم يرجعوا للعميل جزء من المبلغ اللي دفعه خلال عملية الشراء.

إيه هي البنوك اللي بتقدم خدمة الكاش باك؟ 

في مجموعة من البنوك هي اللي بتقدم خدمة عروض الكاش باك cash back على البطاقات الذكية وهي: 

• البنك الأهلي المصري.
• بنك كريدي أجريكول مصر.
• البنك العربي.
• البنك التجاري الدولي CIB.
• بنك ABC

إيه هي عروض الكاش باك cash back في البنوك؟

في مجموعة من العروض اللي بتقدمها البنوك على خدمة الكاش باك وهي بتختلف من بنك للتاني هنعرضهالكم في السطور الجاية: 

عرض  الكاش باك من البنك الأهلي

لو أنت من عملاء البنك الأهلي المصري و تحديدا معاك بطاقة فيزا سيجنتشر، فالبنك بيديك عرض كاش باك على عمليات الشراء بتاعتك بتوصل إلى 750 جنية لو قمت بعملية شراء بقيمة 10000 جنية أو أكثر  .. وده لفترة محدودة ..

تقدر تشوف إعلان البنك من هنا

عرض الكاش باك من البنك العربي

لو أنت من عملاء البنك العربي .. فالبنك بيقدملك عرض الكاش باك بمناسبة رجوع المدارس، فتقدر تأخد 10% كاش باك cash back لو استخدمت بطاقات VISA بتاعة البنك العربي في دفع مصروفات المدرسة و شراء الأدوات المدرسية .. وفي ميزة إضافية وهي إمكانية التقسيط بفايدة مميزة .. لو عايز تشترك في العرض ابعت رسالة مكتوب فيها “BTS” على رقم 1120 .

عرض الكاش باك من بنك كريدي أجريكول مصر

لو أنت من عملاء بنك كريدي أجريكول مصر .. فالبنك بيقدملك عرض 10% كاش باك cash back  لو حجزت سفريتك في booking.com ودفعت ببطاقات Visa كريدي أجريكول .. العرض مستمر لحد 31 أكتوبر 2022. 

اعرف تفاصيل أكتر عن خدمة الكاش بك من كريدي أجريكول بنك من هنا

عرض الكاش باك cash back  من بنك CIB

لو أنت من عملاء البنك التجاري الدولي CIB فالبنك بيقدم عروض لكل العملاء اللي معاهم بطاقات ائتمانية إنك تقدر تسترجع 25% كاش باك لو اشتريت مستلزمات الدراسة من أي مكتبة في مصر عن طريق بطاقة CIB الائتمانية .. العرض ده ساري لحد 15 أكتوبر 2022 . 

اعرف أكتر عن خدمة الكاش باك من بنك CIB من هنا

عرض الكاش باك من بنك ABC

لو أنت من عملاء بنك ABC .. فالبنك بيقدملك 10% كاش باك لو استخدمت بطاقات فيزا الائتمانية من بنك ABC وأنت بتحجز من على موقع Booking.com. العرض مستمر لحد 31 أكتوبر 2022.