9 بنوك بيقدموا خدمة الـ Tap & Go فى مصر

تاريخ النشر: في عالم المال

9 بنوك بيقدموا خدمة الـ Tap & Go فى مصر

ازاي تحصل على خدمة الـ Tap & Go في أقرب البنوك ليك

فى الفترة الأخيرة سمعنا عن تقنيات كتيرة بتساعد على التعامل بالدفع الإلكتروني وتقليل التعامل بالكاش، خصوصا بعد تمديد إلغاء رسوم السحب على مكن ال ATM، من التقنيات دي ثقافة الـ Tap & Go وهي الكروت اللي بتقدر تستخدمها بالتلويح على مكن الـ POS  بس من غير ما تدخلها جو الماكينة نفسها، وهي خدمة بتقدمها كروت فيزا وماستر كارد.

 

إزاي تعرف أن كارتك بيدعم الخدمة؟

 

فى علامة صغيرة شبه علامة ال Wireless او الـ Contactless موجودة على الكروت اللي بتدعم الخدمة دي، وكمان هتلاقي نفس العلامة على مكن نقاط البيع   POS  اللي بيدعم نفس الخدمة، ومع تجديد كارتك المرتبط بحسابك البنكي هتلاقي العلامة دي على كارتك الجديد لو البنك اللي بتتعامل معاه واحد من البنوك المصرية اللي بتدعم الخدمة.

  

Tap & Go 

 

من مميزات الخدمة: بتقلل فرصة التعرض للعدوى والإصابة بالأمراض والفيروسات اللي ممكن تحصل من التعامل بالكاش.

 

مميزات  كارت الـ Contactless :

 

  • بتقلل فرصة التعرض للعدوى والإصابة بالأمراض والفيروسات اللي ممكن تحصل من التعامل بالكاش.
  • بتدعم نفس خدمات الكروت البنكية العادية اللي بتسهل الدفع الإلكتروني.
  • بتستخدم فى دفع رسوم الخدمات الحكومية اللي المعاملات النقدية فيها أقل من 500 جنيه.
  • تعزز الشمول المالي.
  • فى حد أقصى للسحب اليومي من ال ATM  بتوصل ل 30 ألف جنيه، و100 ألف جنيه فى الشهر.

 

فى 9 بنوك فى مصر بدأت التعامل بثقافة الـ Tap & Go  هي:

 

  1. البنك الأهلي المصري AlAhli Bank
  2. البنك التجاري الدولي CIB
  3. بنك قطر الوطني QNB ElAhli
  4. بنك القاهرة  Banque du Caire
  5. بنك بلوم مصر BLOM Bank
  6. بنك الاسكندرية Bank of Alexandria
  7. المصرف الوطني الإسلامي National Islamic Bank
  8. البنك العربي الافريقي الدولي Arab African International Bank 
  9. كريدي أجريكول Credit Agricole Egypt